[[{“value”:”
World Hemophilia Day 2026: दरवर्षी १७ एप्रिल रोजी जागतिक हीमोफिलिया दिन साजरा केला जातो. या दिवसाचा उद्देश म्हणजे हीमोफिलिया या गंभीर आजाराबाबत जनजागृती करणे. हीमोफिलिया हा एक दुर्मिळ पण धोकादायक आनुवंशिक आजार आहे, ज्यामध्ये रक्त गोठण्याची प्रक्रिया नीट काम करत नाही. (World Hemophilia Day 2026)
सामान्यतः शरीराला जखम झाली की रक्तातील क्लॉटिंग फॅक्टर्स (विशेष प्रोटीन) एकत्र येऊन रक्तस्त्राव थांबवतात. पण हीमोफिलियामध्ये हे फॅक्टर्स कमी असतात किंवा नीट कार्य करत नाहीत. त्यामुळे जखम झाल्यावर रक्तस्त्राव लवकर थांबत नाही. अगदी लहान जखम देखील मोठ्या समस्येत बदलू शकते.
हा आजार बहुतेक वेळा जन्मजात असतो आणि तो X-क्रोमोसोमशी संबंधित असतो. पुरुषांमध्ये हा आजार जास्त प्रमाणात आढळतो, कारण त्यांच्याकडे एकच X-क्रोमोसोम असतो. महिलांमध्ये दोन X-क्रोमोसोम असल्यामुळे त्यांच्यात हा आजार कमी प्रमाणात दिसतो.
हीमोफिलियामुळे फक्त बाहेरून रक्तस्त्राव होत नाही, तर शरीराच्या आतही (इंटरनल ब्लीडिंग) होऊ शकतो. त्यामुळे सांधे, स्नायू आणि इतर अवयवांना गंभीर इजा होऊ शकते. काही वेळा ही परिस्थिती जीवघेणी देखील ठरू शकते. World Hemophilia Day 2026
लक्षणे कोणती? (World Hemophilia Day 2026)
हीमोफिलियाची लक्षणे व्यक्तीनुसार वेगवेगळी असू शकतात. काही सामान्य लक्षणे अशी आहेत:
जखम किंवा ऑपरेशननंतर खूप वेळ रक्तस्त्राव होणे
शरीरावर मोठे निळे डाग (ब्रूजेस) दिसणे
इंजेक्शननंतरही रक्तस्त्राव थांबायला वेळ लागणे
सांध्यांमध्ये वेदना, सूज किंवा कडकपणा
नाकातून वारंवार रक्त येणे
लघवी किंवा शौचामध्ये रक्त दिसणे
गंभीर अवस्थेत डोक्याला हलकी दुखापत झाली तरी मेंदूमध्ये रक्तस्त्राव होऊ शकतो. यामुळे डोकेदुखी, उलट्या, दृष्टीदोष किंवा अचानक कमजोरी जाणवू शकते.
उपचार आणि काळजी कशी घ्यावी? (World Hemophilia Day 2026)
हीमोफिलिया पूर्णपणे बरा होणारा आजार नाही, पण योग्य उपचारांनी त्यावर नियंत्रण ठेवता येते. डॉक्टरांच्या सल्ल्याने क्लॉटिंग फॅक्टर थेरपी घेतल्यास रक्तस्त्राव नियंत्रणात राहतो.
ज्यांच्या कुटुंबात हा आजार आहे, त्यांनी आधीच तपासणी करून घ्यावी. गर्भधारणेपूर्वी जेनेटिक काउंसलिंग घेणंही उपयुक्त ठरतं. यामुळे भविष्यातील धोका समजतो.
या रुग्णांनी विशेष काळजी घेणं आवश्यक आहे. जखम होऊ नये यासाठी सतर्क राहणं, दात आणि शरीराची स्वच्छता राखणं गरजेचं आहे. तसेच, रक्त पातळ करणाऱ्या औषधांपासून (जसे अॅस्पिरिन) दूर राहणं आवश्यक आहे.
हीमोफिलिया हा गंभीर आजार असला तरी योग्य माहिती, वेळेवर निदान आणि उपचारांनी त्यावर नियंत्रण ठेवता येऊ शकतं. त्यामुळे या आजाराबाबत जागरूक राहणं आणि आवश्यक ती काळजी घेणं खूप महत्त्वाचं आहे.
“}]]