[[{“value”:”
Supplements Love tips : प्रेमाच्या नात्यात शारीरिक जवळीक ही केवळ आकर्षणाची गोष्ट नसते, तर ती विश्वास, भावना आणि एकमेकांशी असलेल्या घट्ट नात्याचं प्रतीक असते. प्रत्येक जोडप्याला आपल्या नात्यातील रोमान्स आणि जवळीक कायम टिकून राहावी असं वाटतं.
मात्र, बेडवरील परफॉर्मन्स वाढवण्यासाठी किंवा स्टॅमिना सुधारण्यासाठी अनेक जण झटपट परिणामांच्या मोहात पडतात आणि बाजारात सहज उपलब्ध असलेल्या सप्लिमेंट्स, शक्तीवर्धक गोळ्या किंवा आयुर्वेदिक नावाखाली विकल्या जाणाऱ्या उत्पादनांचा आधार घेतात.
सुरुवातीला फायदेशीर वाटणाऱ्या या गोष्टी आरोग्यासाठी अत्यंत धोकादायक ठरू शकतात. तज्ज्ञांच्या मते, डॉक्टरांच्या सल्ल्याशिवाय घेतलेली अशी औषधे शरीराला गंभीर आजारांच्या खाईत ढकलू शकतात.
१. हृदयविकाराचा झटका आणि स्ट्रोकचा धोका
बाजारात मिळणाऱ्या अनेक तथाकथित परफॉर्मन्स बूस्टरमध्ये ‘सिल्डेनाफिल’ किंवा तत्सम औषधी घटकांची भेसळ आढळून आली आहे. हे घटक रक्तवाहिन्या शिथिल करून रक्तदाबावर परिणाम करतात.
जर एखादी व्यक्ती आधीपासून हृदयविकार, उच्च रक्तदाब किंवा इतर गंभीर आजारांसाठी औषधे घेत असेल, तर या सप्लिमेंट्समुळे रक्तदाब अचानक धोकादायक पातळीपर्यंत खाली जाऊ शकतो. परिणामी हृदयविकाराचा झटका किंवा स्ट्रोकचा धोका वाढू शकतो.
हे देखील वाचा : Relationship Tips: प्रेम कमी नसतं, तरीही महिलांना का वाटतो एकटेपणा? नात्यातील पुरुषांच्या ‘या’ छोट्या चुका ठरू शकतात कारण
२. किडनी आणि लिव्हरवर गंभीर परिणाम
अनेक ‘हर्बल’ किंवा ‘नॅचरल’ म्हणून विकल्या जाणाऱ्या उत्पादनांमध्ये स्टेरॉईड्स तसेच शिसे, पारा, आर्सेनिकसारख्या जड धातूंचे अंश आढळतात.
हे घटक शरीरातून बाहेर टाकण्यासाठी लिव्हर आणि किडनीला अतिरिक्त मेहनत घ्यावी लागते. दीर्घकाळ अशा पदार्थांचे सेवन केल्यास लिव्हरचे गंभीर आजार, लिव्हर सिरोसिस किंवा किडनी निकामी होण्याचा धोका निर्माण होऊ शकतो.
३. मानसिक आरोग्यावर होणारा परिणाम
या प्रकारच्या सप्लिमेंट्सचा सतत वापर केल्यास शरीरातील हार्मोन्सचे संतुलन बिघडू शकते. त्याचा परिणाम मनःस्थितीवर होऊन चिडचिड, राग, अस्वस्थता, चिंता आणि नैराश्य वाढू शकते. काही व्यक्तींमध्ये या गोळ्यांशिवाय आपण चांगला परफॉर्म करू शकणार नाही, अशी मानसिक अवलंबित्वाची भावना निर्माण होते.
४. नैसर्गिक हार्मोन्सच्या निर्मितीवर परिणाम
काही बनावट किंवा स्टेरॉईडयुक्त सप्लिमेंट्स शरीरातील नैसर्गिक हार्मोन निर्मितीवर परिणाम करू शकतात. दीर्घकाळ वापर केल्यास लैंगिक आरोग्याशी संबंधित समस्या वाढण्याची शक्यता असते. त्यामुळे कोणतेही हार्मोनल किंवा शक्तीवर्धक उत्पादन डॉक्टरांच्या सल्ल्याशिवाय घेणे टाळावे.
काय काळजी घ्यावी?
१. स्वतःहून औषधांचा वापर टाळा
ऑनलाईन जाहिराती, सोशल मीडियावरील दावे किंवा मेडिकल स्टोअरमध्ये सहज उपलब्ध असलेल्या शक्तीवर्धक गोळ्यांवर विश्वास ठेवू नका.
२. तज्ज्ञ डॉक्टरांचा सल्ला घ्या
परफॉर्मन्सशी संबंधित कोणतीही समस्या असल्यास त्यामागे मधुमेह, उच्च रक्तदाब, हार्मोन्समधील बदल, ताणतणाव किंवा इतर वैद्यकीय कारणे असू शकतात. योग्य निदान आणि उपचारासाठी तज्ज्ञ डॉक्टरांचा सल्ला घेणे महत्त्वाचे आहे.
३. जीवनशैली सुधारण्यावर भर द्या
संतुलित आहार, नियमित व्यायाम, पुरेशी झोप, धूम्रपान व मद्यपानापासून दूर राहणे आणि ताणतणाव नियंत्रणात ठेवणे हे लैंगिक आरोग्य सुधारण्यासाठी सर्वात सुरक्षित आणि प्रभावी मार्ग मानले जातात.
आरोग्याशी तडजोड नको !
क्षणिक आनंद किंवा झटपट परिणामांच्या मोहापायी आरोग्य धोक्यात घालणे योग्य नाही. कोणतेही सप्लिमेंट किंवा औषध वापरण्यापूर्वी तज्ज्ञांचा सल्ला घेणे आवश्यक आहे. निरोगी शरीर, संतुलित मन आणि चांगली जीवनशैली हाच उत्तम परफॉर्मन्सचा खरा पाया आहे.
कामाची बातमी :
“}]]