Meta’s Ray Ban Smart Glass : आर्टिफिशियल इंटेलिजन्सच्या युगात सर्व काही शक्य आहे असे वाटते. डोळ्यांवर घातलेला चष्मा (Smart Glass) कधी-कधी बघू शकतो, बोलूही शकतो, असा विचार तुम्ही केला नसेल. पण मेटाने हे खरे असल्याचे सिद्ध केले असून कंपनीने रे-बॅनच्या (Meta’s Ray Ban Smart Glass) सहकार्याने एक स्मार्ट ग्लास तयार केला आहे.
सध्या या स्मार्ट ग्लासची (Smart Glass) चाचणी सुरू असून चाचणी अंतिम टप्प्यात आहे. या स्मार्ट ग्लासचा एक व्हिडिओ मेटा सीईओ मार्क झुकरबर्ग (Mark Zuckerberg) यांनी इन्स्टाग्रामवर शेअर केला असून, सध्या सगळीकडे या व्हिडिओची चर्चा रंगली आहे.
चष्मा अॅपशी जोडलेला असेल
मेटामधील हा स्मार्ट रे-बॅन ग्लास एआय तंत्रज्ञानाच्या मदतीने काम करतो आणि कॅमेरा आणि मायक्रोफोनने सुसज्ज आहे जे आजूबाजूच्या गोष्टी पाहू आणि ऐकू शकतात. चष्मा गोष्टींचे विश्लेषण केल्यानंतर तुम्हाला माहिती देतो. हा स्मार्ट ग्लास एका अॅपशी कनेक्ट होईल जिथे तुम्हाला सर्व माहिती मिळेल.
चष्मा कसा कार्य करतो
मार्क झुकेरबर्गने (Mark Zuckerberg) शेअर केलेल्या व्हिडीओमध्ये तुम्ही पाहू शकता की, तो चष्मा कार्य करतो आणि समोर दिसणाऱ्या शर्टला कोणता रंग चांगला जाईल असा प्रश्न विचारतो, तर उत्तर म्हणून चष्मा प्रथम शर्टचे विश्लेषण करतो आणि नंतर कोणता रंग योग्य आहे ते सांगतो.
याशिवाय अॅपद्वारे चष्मा चालवून तुम्ही विविध गोष्टींची माहिती गोळा करू शकता. उदाहरणार्थ, तुम्हाला एखाद्या लँडमार्कबद्दल तपशील जाणून घ्यायचा असल्यास, तुम्ही लँडमार्कबद्दल माहिती मिळवण्यासाठी अॅपला कमांड देऊ शकता. त्याचप्रमाणे, तुम्ही इमेजमध्ये दाखवलेल्या इतर भाषेचे तुमच्या भाषेत भाषांतर करू शकता. चष्मा पाहण्याचे आणि ऐकण्याचे काम करेल आणि अॅप माहिती देईल.
तुम्ही हा चष्मा कसा वापरून शकता
Meta ने एका ब्लॉगपोस्टमध्ये म्हटले आहे की, ‘Ray-Ban Meta Smart Glasses’ साठी आमच्या अर्ली ऍक्सेस प्रोग्रामसह, तुम्ही हे अत्याधुनिक तंत्रज्ञान वापरून पाहणारे पहिले होऊ शकता. यासाठी तुम्हाला मेटा व्ह्यू अॅपवर जावे लागेल आणि वरच्या उजव्या कोपर्‍यात दिसणार्‍या 3 डॉट्सवर क्लिक करावे लागेल आणि जॉईन अर्ली ऍक्सेस वर क्लिक करावे लागेल.
The post Smart Glass : माणसांप्रमाणे ऐकू अन् बोलू शकतो मेटाचा ‘हा’ स्मार्ट चष्मा, व्हिहिओ पाहून तुम्ही म्हणाल, कमाल आहे बुवा.! appeared first on Dainik Prabhat.