गाणी ऐकणे आरोग्यासाठी फायदेशीर असल्याचेही सांगितले जाते. काही व्यक्तींना झोपण्यापूर्वी गाणी ऐकायला खूप आवडतात. मात्र इयरफोन्स लावून झोपण्याची काहींना सवय असते. झोपताना गाणी ऐकण्याची सवय अत्यंत वाईट असल्याचे एका अहवालातून समोर आले आहे.
मोबाइल सातत्याने आपल्या बरोरच असतो. थोडा वेळसुद्धा मोबाइल बाजूला ठेवल्यास बैचेन झाल्यासारखे वाटते. अशी स्थिती आरोग्यास योग्य नसून त्याचा वाईट परिणाम मेंदूवर होतो.
तसेच झोपल्यानंतरही आपला मेंदू मोबाइलच्या सततच्या वापरामुळे अक्टिव्ह मोडमध्ये राहिल्याने आपल्याला आराम मिळत नाही. जेव्हा तुम्ही गाणी ऐकत झोपता तेव्हा तुमचा मेंदू पूर्णरित्या झोपलेला नसतो. तसेच मेंदूमधील काही भाग झोप होत नसल्याने आपण झोपेत असतानाही मध्ये मध्ये उठतो. कानाला इयरफोन्स लावून झोपणे हे कानासाठी घातक ठरू शकते. कारण आपण ऐकत असलेली गाणी आणि त्याचा आवाजाचा परिणाम आपल्या कानावर होत असतो. त्यामुळे कानावर परिणाम होऊन काही वेळेस कमी ऐकण्याचा त्रास ही होतो. रात्रीच्या वेळी अनावश्यक वेळी गाणी ऐकणे टाळा.