[[{“value”:”
Skin Minimalism: सौंदर्याचा अर्थ म्हणजे मोठ्या प्रमाणावर महागडे प्रॉडक्ट्स, लांबलचक स्किनकेअर रूटीन आणि वेळखाऊ प्रक्रिया असा समज होता. मात्र आता या समजुतीत बदल घडतो आहे. जगभरात आणि भारतातही ‘Skin Minimalism’ हा नवा ट्रेंड जोर पकडतो आहे. यामध्ये कमी प्रॉडक्ट्स वापरून नैसर्गिक, आरोग्यदायी आणि ग्लोइंग त्वचेवर भर दिला जातो.
काय आहे Skin Minimalism?
Skin Minimalism म्हणजे त्वचेसाठी कमी पण योग्य प्रॉडक्ट्स वापरणे. 10-12 स्टेप्सच्या स्किनकेअर रूटीनऐवजी फक्त 3-4 महत्त्वाच्या स्टेप्सवर भर दिला जातो, जसे की क्लेंझर, मॉइश्चरायझर, सनस्क्रीन आणि आवश्यक असेल तर सिरम.
त्वचेला अनावश्यक केमिकल्सचा ताण न देता तिच्या नैसर्गिक चमकाकडे लक्ष देणं, हीच या ट्रेंडची खरी ताकद आहे.
वाढता ट्रेंड का?
आजकाल नैसर्गिक सौंदर्याकडे कल वाढत आहे. लोक आता ‘फिल्टर ग्लो’पेक्षा रिअल आणि हेल्दी स्किनला प्राधान्य देत आहेत.
तसेच वेळ वाचवणारा पर्याय म्हणून याकडे पाहिलं जात आहे. कामात, प्रवासात, घरात व्यस्त असणाऱ्यांसाठी मिनिमल रूटीन सोपं आणि टिकाऊ आहे.
महागड्या क्रीम्स, सिरम्स आणि ट्रीटमेंट्सऐवजी काही बेसिक प्रॉडक्ट्स पुरेसे ठरतात त्यामुळे पैसे वाचवणारा हा ट्रेंड आहे.
प्रॉडक्ट्सच्या कमी वापरामुळे वेस्टेजही कमी होते. आणि ही पर्यावरणपूरक सवय बनून जाते.
तज्ज्ञ काय सांगतात?
त्वचारोगतज्ज्ञांच्या मते, प्रत्येकाला वेगवेगळ्या त्वचेच्या समस्या असतात. पण जास्त प्रॉडक्ट्स वापरल्याने स्किनवर ताण येतो. योग्य क्लेंझिंग, मॉइश्चरायझिंग आणि सन प्रोटेक्शन हे तीन टप्पे पाळले तर स्किन हेल्दी राहते.
सोशल मीडियावर क्रेझ
इंस्टाग्राम, युट्यूबवर #SkinMinimalism आणि #LessIsMore हे हॅशटॅग्स ट्रेंडिंगमध्ये आहेत. अनेक स्किन इन्फ्लुएन्सर्स व डर्माटॉलॉजिस्ट्स या ट्रेंडचं प्रमोशन करत आहेत.
भारतातील स्वीकार
शहरी भागात विशेषतः तरुण पिढी Skin Minimalismकडे मोठ्या प्रमाणावर वळते आहे. पारंपरिक घरगुती उपायांसोबतच कमी पण दर्जेदार स्किनकेअर प्रॉडक्ट्स वापरण्याची सवय आता लोकप्रिय होते आहे.
अखेरीस, Skin Minimalism म्हणजे “कमीच पण पुरेसं” ही संकल्पना. नैसर्गिक सौंदर्य टिकवून ठेवणारा हा ट्रेंड आता हेल्दी व स्मार्ट लाइफस्टाइलचा महत्त्वाचा भाग बनतो आहे.
The post Skin Minimalism: जाणून घ्या काय आहे कमी प्रॉडक्ट्स, जास्त ग्लोचा नवा ट्रेंड appeared first on Dainik Prabhat.
“}]]