[[{“value”:”
Love Bite Side Effects : प्रेम व्यक्त करण्याच्या प्रत्येक कपलच्या स्वतःच्या खास पद्धती असतात. काहींसाठी ते शब्दांत असतं, काहींसाठी स्पर्शात, तर काहींसाठी हलक्याशा रोमँटिक खुणेत… ज्याला आजकाल ‘लव्ह बाईट’ म्हटलं जातं.
क्षणभराच्या त्या भावनिक आणि जवळीकतेच्या स्पर्शातून तयार होणारी ही खूण अनेकांना प्रेमाचं प्रतीक वाटते. पण हाच छोटासा रोमँटिक क्षण कधी कधी आरोग्यासाठी गंभीर इशारा ठरू शकतो.
मानेला लागणारी ही नाजूक खूण दिसायला जरी आकर्षक आणि साधी वाटली तरी त्यामागे काही वैद्यकीय धोके दडलेले आहेत. विशेषतः मानेच्या भागात असलेल्या महत्त्वाच्या रक्तवाहिन्यांवर परिणाम झाल्यास परिस्थिती गंभीरही होऊ शकते. त्यामुळे ‘लव्ह बाईट’ फक्त रोमँसपुरताच मर्यादित राहावा की नाही, याबाबत माहिती असणे आवश्यक आहे.
लव्ह बाईटमुळे होऊ शकणारे गंभीर धोके !
रक्ताच्या गाठी (Blood Clots)
मानेची त्वचा अतिशय नाजूक असते. जोरदार दाब किंवा चाव्यामुळे त्वचेखालील सूक्ष्म रक्तवाहिन्यांना इजा होऊ शकते आणि रक्ताच्या गाठी तयार होण्याची शक्यता वाढते. या गाठी रक्तप्रवाहात गेल्यास गंभीर समस्या निर्माण होऊ शकतात.
इस्केमिक स्ट्रोकचा धोका
काही वैद्यकीय अहवालांनुसार, मानेतील कॅरोटिड आर्टरीवर दाब आल्यास मेंदूपर्यंत जाणारा रक्तप्रवाह कमी होऊ शकतो. त्यामुळे मेंदूला ऑक्सिजनचा पुरवठा कमी होऊन स्ट्रोकचा धोका वाढतो.
कॅरोटिड धमणीला इजा
मानेतील प्रमुख धमण्या मेंदूला रक्तपुरवठा करतात. त्या भागावर जास्त दाब आल्यास धमणीच्या आतील थराला इजा होऊ शकते, जी गंभीर वैद्यकीय स्थिती ठरू शकते.
ही बातमी वाचा : lifestyle : पुरुषांनो.. तुमच्या ‘या’ सवयींवर महिला होतात पार घायाळ; तुम्हाला कधीच सोडून जाणार नाही, बनवते महिलांच्या हृदयाचा राजा
लकवा (Paralysis) ची शक्यता
क्वचित प्रसंगी रक्ताच्या गाठी मेंदूपर्यंत गेल्यास शरीराच्या एका भागावर परिणाम होऊन लकवा येण्याच्या घटना नोंदवल्या गेल्या आहेत.
इन्फेक्शनचा धोका
जर पार्टनरला ओरल हर्पीज किंवा इतर व्हायरल इन्फेक्शन असेल, तर त्वचेवर झालेल्या जखमांमधून संसर्ग पसरू शकतो.
रक्तदाब आणि हार्ट रेटमध्ये बदल
अतिउत्साह किंवा मानेवर जास्त दाब पडल्यास काही वेळा रक्तदाब अचानक कमी होऊ शकतो, ज्यामुळे चक्कर येणे किंवा बेशुद्धी येण्याची शक्यता असते.
‘लव्ह बाईट’ हा प्रेम व्यक्त करण्याचा एक क्षणिक प्रकार असला तरी तो करताना शरीराच्या नाजूक भागांची जाणीव ठेवणे अत्यंत महत्त्वाचे आहे. रोमँस आनंददायी असावा, पण त्यात आरोग्याचा धोका निर्माण होणार नाही याची काळजी घेणेही तितकेच गरजेचे आहे.
“}]]