भारतीय स्वयंपाकघरात स्वयंपाक करण्यासाठी विविध प्रकारची भांडी वापरली जातात. या भांड्यांमध्ये प्रेशर कुकरचेही महत्त्वाचे स्थान आहे. प्रेशर कुकरचा वापर कमी वेळेत अन्न शिजवण्यासाठी केला जातो. ते वापरण्यास अतिशय सोपे असते. जेव्हा अन्न शिजवले जाते तेव्हा प्रेशर कुकरच्या शिट्टीचा आवाज येऊ लागतो आणि आपल्याला कळते की आत शिजवलेले अन्न तयार आहे. पण जेव्हा प्रेशर कुकर साफ करण्याचा प्रश्न येतो तेव्हा अनेकांना ती साफ करण्याबाबत समस्या असते.
प्रेशर कुकरची शिट्टी लहान असते, जी खूप घाण होते. काळ्या आणि घाणेरड्या कुकरच्या शिट्ट्या स्वच्छ करण्यासाठी काही सोप्या टिप्स आहेत, ज्याचा अवलंब करून तुम्ही कुकरची शिट्टी नवीनसारखी चमकदार बनवू शकता. चला तर मग, कुकरची शिट्टी साफ करण्याचे सोपे मार्ग येथे जाणून घ्या.
गरम पाण्याने स्वच्छ करा
कुकरची घाणेरडी काळी शिटी स्वच्छ करण्यासाठी गरम पाण्याचा वापर करा. शिट्टी गरम पाण्यात काही वेळ भिजत ठेवा. त्यामुळे शिट्ट्यावरील भाज्या व डाळींचे डाग ओले होतील. त्यानंतर ती घासून स्वच्छ करा.
इअरबड्स वापरा
प्रेशर कुकरमध्ये डाळ किंवा भाजी शिजवताना ती वर आल्यावर शिट्टी वाजायला लागते. यामुळे शिट्टी पिवळी पडते. नीट साफसफाई न केल्यामुळे भाजी किंवा कडधान्ये शिट्टीवर साचून घाण होतात. ते साफ करणे खूप कठीण होते. त्यामुळे कुकरच्या शिट्टीच्या आत जमून बसलेले डाळ किंवा भाज्यांचे डाग घालवण्यासाठी शिट्टी काढा. नंतर इअरबडमध्ये थोडासा डिश सोप टाकून शिट्टीच्या आत फिरवून आतील घाण काढून स्वच्छ करा.
Ajab Gajab : 75 वर्षे जगतो ‘हा’ महाकाय पक्षी! जाणून घ्या…त्याच्या इतर खास गोष्टी
लिक्विड डिशवॉश
बाजारात अनेक प्रकारचे लिक्विड डिश वॉश उपलब्ध आहेत. कुकरची शिटी स्वच्छ करण्यासाठी एका भांड्यात थोडे डिशवॉश मिसळा आणि काही मिनिटे त्यात शिटी भिजवा. त्यानंतर शिट्टीची आतील बाजू पूर्णपणे घासून स्वच्छ करा.
The post Kitchen Hacks : ‘या’ सोप्या युक्तीने स्वच्छ करा प्रेशर कुकरची काळी पडलेली शिट्टी ! appeared first on Dainik Prabhat.