आपले स्वयंपाकघर स्वच्छ असावे असे प्रत्येक स्त्रीला वाटते. यासाठी ती वेळोवेळी किचनची साफसफाईही करत असते. पण रोजच्या स्वयंपाकामुळे भाजी किंवा कडधान्ये ओट्यावर किंवा फरशीवर पसरल्याने स्वयंपाकघर अस्वच्छ होते. अस्वच्छ किचनमधून दुर्गंधी येते आणि तिथे झुरळे येऊ लागतात. स्वयंपाकघर स्वच्छ करण्यासाठी तुम्ही या गोष्टी वापरू शकता. चला तर मग जाणून घेऊया या काही उपयुक्त टिप्स.
डस्टरने स्वयंपाकघर स्वच्छ करा
स्वयंपाकघरात काम केल्याने अनेकदा वस्तू इथे-तिथे किंवा फरशीवर पडतात, ज्यामुळे स्वयंपाकघर अस्वच्छ होऊ शकते. त्यामुळे स्वयंपाकघर स्वच्छ ठेवायचे असेल तर डस्टर स्वयंपाकघरात ठेवावे. याशिवाय स्वयंपाकघर स्वच्छ करण्यासाठी ओल्या आणि कोरड्या कापडाचाही वापर करू शकता.
स्वयंपाकघरात डस्टबिन ठेवा
कांदे, लसणाची साले स्वयंपाकघरात फार लवकर पसरतात. या सालींमुळे स्वयंपाकघरही अस्वच्छ दिसते. अशा वेळी तुम्ही स्वयंपाकघरात एक छोटा डस्टबिन ठेवा. भाज्यांची सालं किंवा इतर कोणतीही वस्तू डस्टबिनमध्ये टाका. मात्र ओला कचरा स्वयंपाकघरात ठेवलेल्या डस्टबिनमध्ये टाकू नये. यामुळे संपूर्ण स्वयंपाकघरात दुर्गंधी पसरू शकते.
रबर बँडने मसाल्याची पाकिटे बांधून ठेवा
स्रिया अनेकदा घरी मसाले मोठ्या प्रमाणात आणतात. याशिवाय रवा, बेसन, हळद या गोष्टीही पॅकेटमध्येच येतात. बर्‍याच गोष्टी पॅकेटमध्ये असल्यामुळे अनेक वेळा त्या वापरताना खाली पडतात. त्यामुळे संपूर्ण स्वयंपाकघरात कचरा पसरतो. त्यामुळे अशा पॅकेटना नेहमी रबर बँडने बांधून ठेवा. जेणेकरून मसाले खाली पडणार नाहीत. ( These things will keep your kitchen clean be sure to use )
टॉवेल वापरा
आपण स्वयंपाकघरात टॉवेल देखील वापरणे आवश्यक आहे. स्वयंपाकघरात स्वयंपाक करताना वारंवार हात धुण्यानेही स्वयंपाकघर घाण होऊ शकते. त्यामुळे स्वयंपाकघरात छोटा टॉवेल ठेवा. याने स्वयंपाकघर आणि हात दोन्ही स्वच्छ राहतील.
कडुलिंबाच्या तेलाची फवारणी करा
स्वयंपाकघर स्वच्छ नसेल तर त्यात झुरळे आणि किडे वाढू लागतात. अशा वेळी स्वयंपाकघर स्वच्छ करण्यासाठी पाण्यात कडुलिंबाचे तेल मिसळून संपूर्ण स्वयंपाकघरात फवारा. या फवारणीनंतर स्वयंपाकघरात झुरळ येणार नाहीत आणि स्वयंपाकघर जंतूमुक्त होईल.