[[{“value”:”
Home Remedy: हिवाळ्यात किंवा वातावरण बदलले की अनेकांना सर्दी, खोकला आणि छातीत कफ साचण्याचा त्रास होतो. अशा वेळी घरगुती उपाय उपयोगी ठरू शकतात. अनेक घरांमध्ये वापरले जाणारे ओवा, लसूण आणि कापूर यांचे तेल छातीवर चोळल्यास आराम मिळतो, असे सांगितले जाते.
फुफ्फुसे आपल्या शरीरासाठी अतिशय महत्त्वाची असतात. शरीरातील ऑक्सिजनचा पुरवठा नीट व्हावा यासाठी फुफ्फुस निरोगी असणे आवश्यक आहे. सर्दी-खोकल्यामुळे छातीत कफ साचला तर श्वास घेण्यास त्रास होऊ शकतो. अशा वेळी बाहेरून छातीवर गरम तेल चोळल्याने कफ सैल होण्यास मदत मिळते.
हे तेल कसे तयार करावे?
हा उपाय अगदी सोप्या पद्धतीने घरी करता येतो.
साहित्य :
खोबरेल तेल – 50 ग्रॅम
ओवा – 1 चमचा
लसूण – 4 ते 5 पाकळ्या
कापूर – 2 वड्या
कृती :
1. कढईत खोबरेल तेल मंद आचेवर गरम करा.
2. त्यात ओवा आणि लसूण पाकळ्या घाला.
3. हे मिश्रण लसूण किंचित काळपट होईपर्यंत मंद आचेवर उकळा.
4. नंतर गॅस बंद करा आणि त्यात कापूर घाला.
5. कापराचा वास बाहेर जाऊ नये म्हणून झाकण ठेवा.
6. मिश्रण पूर्णपणे थंड झाल्यावर गाळून काचेच्या बाटलीत साठवा.
वापरण्याची पद्धत
सर्दी, खोकला किंवा छातीत कफ झाल्यास रात्री झोपण्यापूर्वी छातीवर हे तेल हलक्या हाताने चोळावे. लहान-मोठ्या सर्वांसाठी हा उपाय वापरला जातो. सकाळी उठल्यावर छातीत हलकेपणा जाणवतो, असे अनेकांचे अनुभव सांगतात.
हा घरगुती उपाय आहे. त्रास जास्त असल्यास किंवा दीर्घकाळ खोकला राहिल्यास डॉक्टरांचा सल्ला घेणे आवश्यक आहे.
The post Home Remedy: सर्दी-खोकल्यावर घरगुती उपाय; ओवा-लसूण तेल appeared first on Dainik Prabhat.
“}]]