[[{“value”:”
holi celebration 2025 | skin care tips : होळी हा सण संपूर्णभारतामध्येच नाही तर जगभरात सर्व भारतीय उत्साहात साजरा करतात. होळी सण म्हणजे रंगाची उधळण करणारा सण आहे. रंग, आनंद आणि उत्साहाचा होळी सण यावर्षी 14 मार्च रोजी साजरा केला जाणार आहे. लहान मुले असोत वा वृद्ध, प्रत्येकजण होळीच्या सणाची आतुरतेने वाट पाहत असतो.
होळी खेळणं जितकं मजेदार आहे तितकेच अंगाला लागलेला रंग काढण्यात कसरत देखील करावी लागते. रंग खेळून झाल्यानंतर आपले आरोग्य आणि त्वचा कशी चांगली राहील याबद्दल सर्वच जण विचार करत असतात. याबद्दलच आज आम्ही तुम्हाला काही टिप्स देणार आहोत. जे वापरून तुम्ही तुमच्या चेहऱ्याचा आणि अंगाचा संपूर्ण रंग काढू शकता….
लोक आपली जुनी नाराजी- भांडण विसरून एकमेकांना गुलाल लावतात. पण होळीच्या रंगांमुळे त्वचेला इजा होण्याचा धोकाही अधिक असतो. अशा परिस्थितीत त्वचेची काळजी घेणेही तितकेच महत्वाचे असते.
होळीच्या रंगांमध्ये हानिकारक रसायने असू शकतात, ज्यामुळे त्वचेला हानी पोहोचू शकते. त्यामुळे त्वचेवर लालसरपणा, जळजळ, खाज सुटणे, मुरुम येण्याची भीती असते.
खोबरेल तेल :
तुम्ही रात्री झोपण्यापूर्वी तुमच्या त्वचेवर खोबरेल तेल लावू शकता. ते लावण्यापूर्वी चेहरा धुवा. त्यानंतरच चेहऱ्यावर खोबरेल तेल लावा. यामुळे त्वचेला मॉइश्चरायझेशन होते आणि रंगांवरही कोणतेही दुष्परिणाम होत नाहीत.
कोरफड :
जर तुम्ही होळी खेळणार असाल तर त्याआधी तुम्ही तुमच्या चेहऱ्यावर कोरफडीचे जेल लावू शकता. यामुळे रंग त्वचेला हानी पोहोचवत नाहीत. यासोबतच ते त्वचेला मॉइश्चरायझ करते. तुम्ही एलोवेरा जेलचा थर चेहऱ्यावर लावू शकता.
पेट्रोलियम जेली :
होळी खेळण्यापूर्वी तुम्ही त्वचेवर पेट्रोलियम जेली देखील लावू शकता. त्यामुळे होळीचे रंग सहज निघतील. यासोबतच त्वचेला कोरडी होण्यापासून वाचवते.
मॉइश्चरायझर :
होळी खेळण्यापूर्वी चेहऱ्याला मॉइश्चरायझर लावावे. यामुळे तुमच्या चेहऱ्यावर प्रोटेक्शन लेयर तयार होईल. यासोबतच होळीच्या रंगांमुळे त्वचेला कोणतीही हानी होणार नाही. तसेच त्वचा हायड्रेटेड राहते. याशिवाय त्वचेवर सनस्क्रीन लावा. यामुळे सूर्यप्रकाशापासून संरक्षण मिळते आणि टॅनिंगची समस्या येत नाही.
पूर्ण बाह्यांचे कपडे घाला :
होळीला रंग खेळताना, शक्य तितके तुमची त्वचा झाकून ठेवा. या काळात, लांब बाह्यांचे हलके सुती कपडे घाला, जेणेकरून रासायनिक रंग थेट त्वचेच्या संपर्कात येणार नाहीत.
अ‍ॅलर्जी आणि पुरळ येण्याची समस्या :
होळीमध्ये रसायने असलेले रंग वापरल्यास त्वचेवर लालसरपणा, खाज सुटणे आणि पुरळ उठू शकतात. कधीकधी ही समस्या खूप गंभीर बनते.
होळी खेळल्यानंतर हे काम करा :
रंग काढण्यासाठी कठोर साबण किंवा रासायनिक उत्पादने वापरू नका. त्याऐवजी, सौम्य क्लींजर, बेसन, दही आणि कोरफडीच्या जेलने त्वचा स्वच्छ करा आणि ती चांगली मॉइश्चरायझ करा.
The post Holi 2025 : रंगाचा भंग व्हायला नको.! होळी खेळण्यापूर्वी आणि नंतर त्वचेची कशी घ्या काळजी; शेवटची टिप्स नक्की वाचा… appeared first on Dainik Prabhat.
“}]]