[[{“value”:”
Eye Glasses: आजकाल लहान मुलांपासून मोठ्यांपर्यंत अनेकांना चष्मा लागतो. सतत मोबाईल वापरणे, टीव्ही पाहणे, संगणकावर तासन्तास काम करणे आणि चुकीची जीवनशैली यामुळे डोळ्यांच्या समस्या वाढत आहेत. काही लोक स्टाईलसाठी चष्मा वापरतात, तर अनेकांसाठी चष्मा दैनंदिन गरज बनला आहे. चांगल्या दर्जाच्या चष्म्याची किंमत हजारोंमध्ये असते. त्यामुळे त्याची योग्य काळजी घेणे खूप महत्त्वाचे आहे. मात्र काही छोट्या चुका चष्म्याच्या लेन्सला लवकर खराब करतात आणि त्यामुळे वारंवार नवीन लेन्स घ्यावी लागते. (Eye Glasses)
सर्वात मोठी चूक म्हणजे चष्मा कोणत्याही कपड्याने पुसणे. अनेक लोक सुरुवातीला मायक्रोफायबर कापड वापरतात, पण नंतर टी-शर्ट, शर्ट किंवा रुमालाने चष्मा साफ करतात. काहीजण टिश्यू पेपरही वापरतात. या सवयीमुळे लेन्सवर बारीक स्क्रॅच पडतात आणि त्यावरील कोटिंग खराब होते. त्यामुळे चष्म्यातून दिसणेही धूसर होऊ शकते. लेन्स साफ करण्यासाठी नेहमी मऊ मायक्रोफायबर कापडच वापरावे. (Eye Glasses)
चष्मा साफ करताना चुकीचे द्रव्य वापरणेही धोकादायक ठरते. काही लोक तोंडाची वाफ देऊन चष्मा पुसतात किंवा नेल पेंट रिमूव्हर, केमिकल स्प्रे यांचा वापर करतात. यामुळे लेन्सवरील संरक्षणात्मक थर खराब होतो. त्यामुळे चष्मा लवकर खराब होतो. चष्म्यासाठी खास तयार केलेले लेन्स क्लीनरच वापरणे सुरक्षित असते.
अनेक जण चष्मा वापरल्यानंतर तो कव्हरमध्ये ठेवत नाहीत. काही लोक तो खिशात ठेवतात, तर काहीजण बॅगमध्ये टाकतात. यामुळे चष्म्यावर घर्षण होते आणि लेन्सवर ओरखडे पडतात. ऑप्टिशियनकडून मिळालेल्या बॉक्समध्येच चष्मा ठेवण्याची सवय लावणे गरजेचे आहे. (Eye Glasses)
उष्णतेमुळेही चष्म्याचे नुकसान होऊ शकते. काही लोक कारच्या डॅशबोर्डवर चष्मा ठेवतात किंवा गरम वस्तूंजवळ ठेवतात. सूर्यप्रकाश आणि उष्णतेमुळे लेन्स तसेच फ्रेम खराब होऊ शकते. त्यामुळे चष्मा नेहमी थंड आणि सुरक्षित ठिकाणी ठेवावा. (Eye Glasses)
चष्मा साफ करताना जोरात घासणे टाळावे. लेन्स खूप नाजूक असतात. जास्त दाब दिल्यास त्यावर सहज स्क्रॅच पडू शकतात. लेन्स क्लीनर हलके स्प्रे करून मऊ कापडाने अलगद पुसणे योग्य ठरते.
डोळ्यांचे आरोग्य जपण्यासाठी चष्मा महत्त्वाचा असतो. त्यामुळे त्याची योग्य काळजी घेतली तर लेन्स जास्त काळ टिकतात आणि अनावश्यक खर्चही वाचतो. छोट्या सवयी बदलल्यास हजारो रुपयांचे नुकसान टाळता येऊ शकते.
“}]]