पुणे – यंदा गणेश चतुर्थी (Ganesh Chaturthi 2023) 19 सप्टेंबरपासून सुरू झाली असून 28 सप्टेंबरपर्यंत चालणार आहे. 10 दिवस चालणाऱ्या या उत्सवात गणपतीची पूर्ण भक्तिभावाने पूजा केली जाते. श्री गणेशाला प्रसन्न करण्यासाठी लोक मनोभावे देवाचे पुजा करत असतात.
अशा वेळी मोदक बनवणेही खूप महत्त्वाचे ठरते. खरंतर मोदक हा गणपती बाप्पाचा आवडता नैवेद्य असल्याचं म्हटलं जातं. त्याच बरोबर तुम्ही बाप्पाला अर्पण करण्यासाठी अनेक वेळा मावा आणि चॉकलेट असे विविध प्रकारचे मोदक (Modak Recipe) बनवतात.
पण आम्ही तुम्हाला सुक्या मेव्याचे मोदक (ड्रायफ्रूट मोदक) (Dry fruits modak) बनवण्याची खास रेसिपी सांगणार आहोत. या सोप्या रेसिपीच्या मदतीने तुम्ही गणपती बाप्पाला सुक्या मेव्याचे मोदक (ड्रायफ्रूट मोदक) अर्पण करू शकता. चला तर मग जाऊन सुक्या मेव्याचे मोदक बनवण्याची सर्वात सोपी पद्धत….
सुक्या मेव्याचे मोदक बनवण्यासाठी लागणारे साहीत्य :
सुक्या मेव्याचे मोदक बनवण्यासाठी तुम्हाला 8 ते 10 काजू, 8 ते 10 बदाम, 2 चमचे नारळाचे तुकडे, 1/2 चमचा वेलची पावडर, 1 कप पोहे, 1/2 कप गूळ, 2 चमचे कोमट दूध आणि 2 चमचे घरचं तूप लागेल.
सुक्या मेव्याचे मोदक कसे बनवायचे?
– यासाठी सर्वप्रथम 1 कप पोहे पूर्णपणे स्वच्छ करून त्यात काजू आणि बदाम बारीक चिरून घ्या.
– यानंतर कढई घेऊन त्यात पोहे टाकून गॅसवर गरम करायला ठेवा.
– पोहे मंद गॅसवर कोरडे भाजून घ्या आणि नंतर एका मोठ्या भांड्यात वेगळे काढा.
– यानंतर त्याच पातेल्यात तूप घालून काजू-बदाम भाजून घ्यायचे आहेत.
– हलके भाजून झाल्यावर मिक्सरच्या भांड्यात भाजलेले पोहे आणि भाजलेले काजू, बदाम, गुळाचे तुकडे, नारळाची शेव आणि वेलची पूड घालून चांगले बारीक करा.
– तयार मिश्रण एका प्लेटमध्ये काढून त्यात थोडं तूप आणि दोन चमचे कोमट दूध घालून मिक्स करा.
– लक्षात ठेवा की हे मिश्रण तुम्हाला मऊ पिठासारखे तयार करायचे आहे.
– हे मिश्रण पिठासारखे पूर्ण मऊ झाल्यावर त्याचे छोटे गोळे घेऊन मोदकाच्या आकारात बांधायला सुरुवात करा.
– तसेच सर्व पिठाचे मोदक तयार करावेत. आता मोदक सेट होण्यासाठी थोडा वेळ सोडा.
– त्यानंतर हे स्वादिष्ट सुक्या मेव्याचे मोदक तुम्ही बाप्पाला अर्पण करा आणि तुम्ही स्वतः ते प्रसाद म्हणून खाऊ शकता.
The post Dry fruits modak : गणपती बाप्पाच्या आवडत्या पदार्थाला द्या ‘आरोग्य’चा स्पर्श, बनवा खास ड्रायफ्रूट मोदक ! appeared first on Dainik Prabhat.