[[{“value”:”
Apple iPhone : Apple ने नुकतीच iPhone 16 सीरीज जगभरात लॉन्च केली आहे, त्यानंतर Apple iPhone ट्रेंडमध्ये आहे. पण तुम्हाला माहित आहे का आयफोन कोणत्या देशात सर्वाधिक वापरला जातो?
जर तुम्ही अमेरिका किंवा चीनचा विचार करत असाल तर तुम्ही चुकीचे आहात. होय, खरं तर, अमेरिकेत तयार होणार हा फोन इथले नागरिक फारसा वापरत नाहीत. आयफोन वापरण्यात कोणता देश आघाडीवर आहे यावर आपण एक नजर टाकूया….
आयफोनचा सर्वाधिक वापर कुठे होतो?
‘Apple’ ही अमेरिकन कंपनी असूनही, येथील केवळ 51 टक्के लोक iPhone वापरतात. तर 27 टक्के लोक सॅमसंग फोन वापरतात. तर आयफोन वापरण्यात ‘जपान’ जगात पहिल्या क्रमांकावर आहे.
मिळालेल्या माहितीनुसार, जपानमध्ये जवळपास 59 टक्के लोक आयफोन वापरतात. तर 9 टक्के लोक सॅमसंग फोन वापरतात आणि सुमारे 32 टक्के लोक इतर ब्रँडचे फोन वापरतात. यानंतर, कॅनडात 56% आणि ऑस्ट्रेलियात 53% लोक आयफोन वापरकर्ते आहेत.
भारतात आयफोन वापरकर्ते फारच कमी
भारताबद्दल बोलायचे झाले तर, गेल्या काही काळापासून देशात आयफोनचा ट्रेंड झपाट्याने वाढला आहे. मात्र असे असतानाही देशातील केवळ 5 टक्के लोक ॲपल आयफोन वापरतात. भारतातील 19 टक्के लोक सॅमसंग फोन वापरतात तर 76 टक्के लोक Xiaomi, Vivo आणि Oppo सारख्या ब्रँडचे स्मार्टफोन वापरतात.
जागतिक आयफोन वापर
ॲपल आयफोनचा वापर जगभरात केला जातो. यामध्ये चीनमध्ये केवळ 21 टक्के लोक आयफोन वापरतात. Xiaomi, Vivo आणि Oppo सारख्या ब्रँडना चीनमध्ये जास्त मागणी आहे. तर यूकेमध्ये 48 टक्के लोक आयफोन वापरतात.
जर्मनीमध्ये 34 टक्के लोक आयफोन वापरतात, तर फ्रान्समध्ये आयफोन वापरणाऱ्यांची संख्या 35 टक्के आहे. दक्षिण कोरियामध्ये 18 टक्के लोक आणि ब्राझीलमध्ये 16 टक्के लोक ॲपल आयफोन वापरतात.
The post Apple iPhone : अमेरिका, चीन, भारत की जपान? कोणत्या देशात आहेत सर्वाधिक आयफोन युजर्स; भारताचा नंबर कितवा, पाहा…. appeared first on Dainik Prabhat.
“}]]