अनेक अभ्यासातून असे दिसून आले आहे की शरीर निरोगी ठेवण्यासाठी पौष्टिक आहार घेणे अत्यंत आवश्यक आहे. नाश्त्याच्या पौष्टिक मूल्यावर विशेष भर दिला जातो. आरोग्य तज्ञांच्या मते, रात्री रिकाम्या पोटी सुमारे 8-10 तासांनंतर, शरीराला उर्जेसाठी निरोगी आहाराची आवश्यकता असते.
त्यामुळेच स्प्राऊट्सचे अथवा मोड आलेल्या कडधान्यांचे सेवन आरोग्यासाठी अत्यंत फायदेशीर मानले जाते. आपल्याकडे अनेक प्रकारची कडधान्ये अंकुरित करून अथवा मोड आणून खाल्ली जातात. हे आरोग्यासाठी अनेक प्रकारे फायदेशीर मानले जाते.
आरोग्य तज्ज्ञांच्या मते, मोड आलेली कडधान्ये सेवन करणे अधिक फायदेशीर ठरते. पोषणतज्ञांच्या मते, धान्य पाण्यात भिजवल्याने त्याचे बाह्य आवरण मऊ होते. ज्यामुळे त्यातील पोषक तत्वे योग्य प्रकारे शोषली जातात. तसेच गॅस निर्माण करणारे स्टार्च देखील काढून टाकले जाते. चला मग, जाणून घेऊया स्प्राउट्सचे सेवन आरोग्यासाठी कसे फायदेशीर ठरू शकते?
* पचनास सोपे
पोषणतज्ञांच्या मते, मोड आलेले कडधान्य किंवा स्प्राऊट्स त्यामधील फायबरचे प्रमाण वाढवते. असे मानले जाते की ते पचनास मदत करते आणि आतड्यांसंबंधी हालचालीची प्रक्रिया सुलभ करते. हे बद्धकोष्ठता टाळण्यासाठी देखील उपयुक्त मानले जाते. पचनसंस्था निरोगी ठेवण्यासाठी स्प्राउट्समध्ये फायबर युक्त गोष्टींचा समावेश करा.
* वजन कमी करण्यास उपयुक्त
स्प्राउट्समध्ये फायबर जास्त आणि कॅलरीज कमी असतात. स्प्राउट्स खाल्ल्याने पोट भरल्यासारखे होईल, ज्यामुळे जास्त खाण्याची इच्छा होत नाही, ही पद्धत वजन कमी करण्यासाठी खूप प्रभावी ठरू शकते. याशिवाय, स्प्राउट्समध्ये असलेले धान्य अनेक पौष्टिक गुणधर्मांनी समृद्ध आहे, जे वजन सहजपणे कमी करण्यास उपयुक्त मानले जाते.
* रोगप्रतिकारक शक्तीसाठी फायदेशीर
रोगप्रतिकारक शक्ती मजबूत करण्यासाठी आवश्यक मानल्या जाणार्या स्प्राउट्समधून पुरेशा प्रमाणात जीवनसत्त्व ए आणि सी मिळू शकतात. स्प्राउट्समध्ये व्हिटॅमिन ए चे प्रमाण दहा पटीने वाढते. व्हिटॅमिन ए च्या उच्च प्रमाणामुळे शरीरातील पांढऱ्या रक्त पेशींचे उत्पादन वाढते, ज्यामुळे संक्रमण, सामान्य सर्दी, फ्लू सारख्या समस्यांचा धोका कमी होतो.
* अशक्तपणाची समस्या दूर होईल
लोहाच्या कमतरतेमुळे ऍनिमिया होऊ शकतो. याचा सामना करण्यासाठी, आपण आपल्या आहारात स्प्राउट्स समाविष्ट करू शकता. स्प्राउट्समध्ये लोहासह इतर अनेक पोषक तत्वांचा पुरवठा करण्याची क्षमता असते. यामुळेच याचे सेवन आरोग्यासाठी खूप फायदेशीर मानले जाते.