सीरम इन्स्टिट्यूट बनवणार ‘मंकीपॉक्स’वर लस, अदार पूनावाला यांची घोषणा

[[{“value”:”

mpox vaccine : कोविशील्ड कोरोना लस बनवणारी कंपनी सीरम इन्स्टिट्यूटने मंकीपॉक्स (Mpox) लस तयार करण्याची घोषणा केली आहे. कंपनीचे सीईओ अदार पूनावाला म्हणाले की, Mpox ला जागतिक आरोग्य आणीबाणी घोषित केल्यानंतर, आम्ही लाखो लोकांना मदत करण्यासाठी एक लस विकसित करत आहोत. आशा आहे की आम्ही ते एका वर्षात पूर्ण करू.

एमपॉक्सच्या वाढत्या प्रकरणांमध्ये 19 ऑगस्ट रोजी केंद्र सरकारने देशातील सर्व बंदरे आणि विमानतळांसह पाकिस्तान आणि बांगलादेश सीमेवर अलर्ट जारी केला होता. केंद्रीय आरोग्य मंत्रालयाने अधिकाऱ्यांना बाहेरून येणाऱ्या प्रवाशांमध्ये मंकीपॉक्सच्या लक्षणांबाबत सतर्क राहण्यास सांगितले आहे. सध्या भारतात मंकीपॉक्सची लागण कोणालाही झालेली नाही. शेवटचे प्रकरण मार्च 2024 मध्ये उघडकीस आले होते.

3 रुग्णालयांमध्ये नोडल केंद्रे –

19 ऑगस्ट रोजी आरोग्य मंत्रालयाने दिल्लीतील राम मनोहर लोहिया, सफदरजंग आणि लेडी हार्डिंग या केंद्राच्या तीन मोठ्या रुग्णालयांमध्ये नोडल केंद्रे तयार केली आहेत. मंकीपॉक्सच्या रुग्णांवर उपचार आणि काळजी घेण्यासाठी या रुग्णालयांमध्ये आयसोलेशन वॉर्ड तयार करण्यात आले आहेत.

केंद्राने सर्व राज्य सरकारांना त्यांच्या राज्यातील रुग्णालयांमध्ये मंकीपॉक्स रुग्णांसाठी आवश्यक व्यवस्था करण्याचे निर्देश दिले आहेत. अधिका-यांनी सांगितले की, आतापर्यंतच्या मूल्यांकनानुसार मंकीपॉक्सचा मोठ्या प्रमाणावर प्रसार होण्याचा धोका कमी आहे.

2022 पासून भारतात मंकीपॉक्सचे 30 रुग्ण आढळले –

2022 पासून आतापर्यंत भारतात मंकीपॉक्सची 30 प्रकरणे नोंदवली गेली आहेत. शेवटचे प्रकरण मार्च 2024 मध्ये उघडकीस आले होते. मंकीपॉक्सच्या चाचणीसाठी भारतात 32 प्रयोगशाळा आहेत. WHO नुसार, 2022 पासून जगभरातील 116 देशांमध्ये मंकीपॉक्सची 99,176 प्रकरणे आणि 208 मृत्यूची नोंद झाली आहे. यावर्षी आतापर्यंत 15,600 हून अधिक प्रकरणे आणि 537 मृत्यूची नोंद झाली आहे.

WHO ने मंकीपॉक्सला घोषित केले आरोग्य आणीबाणी –

जागतिक आरोग्य संघटनेने (WHO) 14 ऑगस्ट रोजी मंकीपॉक्सला जागतिक सार्वजनिक आरोग्य आणीबाणी घोषित केले. या आजाराला आरोग्य आणीबाणी घोषित करण्याची 2 वर्षांतील ही दुसरी वेळ आहे. डब्ल्यूएचओ देखील चिंतित आहे कारण मंकीपॉक्सच्या वेगवेगळ्या प्रादुर्भावांमध्ये मृत्यू दर भिन्न आहेत. अनेक वेळा ते 10% पेक्षा जास्त झाले आहे.

डब्ल्यूएचओच्या म्हणण्यानुसार मंकीपॉक्सचा उगम आफ्रिकन देश काँगोमधून झाला आहे. त्यानंतर ते शेजारील देशांमध्ये झपाट्याने पसरले. आफ्रिकेतील 10 देशांना याचा गंभीर फटका बसला आहे. कोरोनाप्रमाणेच तो प्रवासातून जगाच्या विविध भागात पसरत आहे.

मंकीपाॅक्सची प्राथमिक लक्षणे –

लिम्फ नोड्सवर सूज येणे, त्वचेवर पुरळ येणे, स्नायू दुखणे, जखमासारख्या खुणा, डोकेदुखी आणि थकवा, ताप, थंडी वाजून येणे.

The post सीरम इन्स्टिट्यूट बनवणार ‘मंकीपॉक्स’वर लस, अदार पूनावाला यांची घोषणा appeared first on Dainik Prabhat.

“}]]