पुणे – झोप आपल्या जीवनाचा अत्यंत महत्त्वाचा भाग आहे. पुरेशी आणि शांत झोप झाली नाही तर आपल्या आरोग्याचे अनेक प्रश्न उभे राहतात. पण जर आपल्याला पुरेशी झोप मिळत नसेल तर, अनेक जण झोपेच्या गोळ्या घेतात. मात्र, या गोळ्यांचे सेवन केल्याने अनेक गंभीर आजारांना आयते निमंत्रण मिळते.
झोपेच्या गोळ्या घेण्याचे दुष्परिणाम :
नैराश्या, थकवा, ऊर्जा कमी असल्यासारखे वाटणे, लक्ष केंद्रित करताना त्रास होणे, मूड नसणे, प्रचंड डोके दुखी होणे.
पोटाचे आजार (अतिसार किंवा अन्नावरील वासना उडणे)
दीर्घकालीन गुंगी (झोपेतच राहण्यासाठी मदत करणारी औषधे घेतल्याने असे होते.)
काही ठरावीक पदार्थाची ऍलर्जी येणे
झोपेतील वागणुकीत बदल होणे (आपण पूर्ण जागे नसताना वाहन चालवणे किंवा खाणे)
दिवसा स्मृतिभ्रंश होणे किंवा काम करताना अडचणी येणे. अशा अनेक लहान-मोठ्या आजारांचा सामना आपल्या करावा लागतो.