वाइनच्या सेवनाने ‘टाइप २’ मधुमेहाचा धोका कमी होतो?

March 12th, 6:52pmMarch 12th, 6:52pm

प्रभात वृत्तसेवा

आरोग्य जागर

मधुमेह हा जागतिक स्तरावर सर्वात वेगाने वाढणाऱ्या गंभीर आजारांपैकी एक आहे. आकडेवारीनुसार, जगभरात 54 कोटींहून अधिक लोक या गंभीर आजाराने ग्रस्त आहेत. भारताचे आकडे आणखीनच भयावह आहेत. भारतामध्ये अंदाजे 77 दशलक्ष लोक मधुमेहाने ग्रस्त आहेत, जो चीन नंतर जगातील दुसरा सर्वात जास्त प्रभावित देश आहे. जगातील सहापैकी एक व्यक्ती (17%) मधुमेहाने ग्रस्त आहे. अभ्यासात मधुमेह हा ‘सायलेंट किलर’ आजार मानला जातो, ज्यामुळे इतर अनेक गंभीर आजारांचा धोका वाढतो.

शरीरातील रक्तातील साखरेचे प्रमाण अनियंत्रित वाढल्याने मधुमेह होतो. इन्सुलिन शॉट्स घेणे, वजन कमी करणे, अधिक व्यायाम करणे आणि कार्बोहायड्रेट आहाराचे सेवन कमी करणे यापासून प्रतिबंधित करण्यासाठी अनेक उपाय वापरले गेले आहेत. दरम्यान, एका अभ्यासात शास्त्रज्ञांनी वाइन पिणे मधुमेहींसाठी फायदेशीर असल्याचे सांगितले आहे. वाइनच्या सेवनाने रक्तातील साखरेचे प्रमाण नियंत्रित ठेवता येते, असा दावा संशोधकांनी केला आहे. चला तर, जाणून घेऊया मधुमेहाची समस्या कमी करण्यासाठी वाईन कशी मदत करू शकते?

वाइन रक्तातील साखरेची पातळी कमी करू शकते
अभ्यासात असे आढळून आले की, ज्यांनी एक ग्लास वाइन प्यायले त्यांना टाइप-2 मधुमेह होण्याची शक्यता 14 टक्के कमी होते. या पेयामध्ये आढळणारे अँटिऑक्सिडंट्स रक्तातील साखरेवर नियंत्रण ठेवण्यास मदत करतात. मधुमेहावरील वाइनचे परिणाम शोधण्यासाठी, संशोधकांनी 11 वर्षांच्या कालावधीत तीन लाखाहून अधिक लोकांच्या डेटाचा अभ्यास केला. संशोधकांना असे आढळून आले की जेवणासोबत वाइनचे सेवन केल्याने रक्तातील साखरेची पातळी नियंत्रणात ठेवता येते.

संशोधक काय म्हणतात?
मेक्सिकोच्या न्यू ऑर्लिन्स विद्यापीठातील तज्ज्ञांनी सांगितले की, या अभ्यासातून असे दिसून आले आहे की मध्यम प्रमाणात वाइनचे सेवन केल्याने तुम्हाला टाइप-2 मधुमेहावर नियंत्रण मिळू शकते. जर तुम्हाला आधीच कॉमोरबिडीटी नसेल, तर वाइनचे संतुलित सेवन रक्तातील साखरेची पातळी नियंत्रणात ठेवण्यास मदत करू शकते. संशोधकांचे म्हणणे आहे की वाइनच्या सकारात्मक प्रभावामुळे ते जास्त प्रमाणात सेवन करू नये, जास्त प्रमाणात मद्यपान केल्याने अनेक समस्या उद्भवू शकतात.

वाइनमध्ये अँटिऑक्सिडंट्सची उपस्थिती त्याला विशेष बनवते
अभ्यासात असे दिसून आले आहे की वाइनमध्ये असलेले अँटिऑक्सिडंट्स पचन सुधारण्यास मदत करतात. संशोधकांना असे आढळून आले की दिवसातून एक ग्लास आणि जेवताना दोन ग्लास वाइन पिणाऱ्या पुरुषांना मधुमेह होण्याची शक्यता कमी असते. तथापि, हे लक्षात घेणे महत्त्वाचे आहे की अभ्यासात केवळ वाइनचे परिणाम पाहिले गेले. हे बिअरसारख्या अल्कोहोलच्या इतर प्रकारांसाठी उपयुक्त नाही.

अभ्यासाचा निष्कर्ष काय आहे?
अभ्यासाच्या निष्कर्षात अधिक संशोधन आवश्यक असले तरी, मधुमेहामध्ये कोणती वाइन अधिक प्रभावी असू शकते?यावर अजून तरी एकमत झालेले नाही. संशोधकांनी यावर भर दिला आहे की, जेवणासोबतच वाइनचेही सकारात्मक परिणाम मधुमेहावर दिसून आले आहेत. वाईन अनेक बाबतीत फायदेशीर आहे, पण त्याचा फायदा तेव्हाच होतो जेव्हा त्याचे सेवन कमी प्रमाणात होते. कोणत्याही स्वरूपात अल्कोहोलचे जास्त सेवन केल्यास गंभीर समस्या उद्भवू शकतात.