वजन कमी करण्यासाठी बाजरी आणि मक्यामधील कोणते पीठ फायदेशीर आहे ? जाणून घ्या

वजन कमी करण्यासाठी लोक अनेक पद्धतींचा अवलंब करतात. अनेकजण खाणे-पिणे बंद करतात, पण अन्न न खाल्याने वजन कमी होत नाही. आहारतज्ञ आणि पोषणतज्ञांच्या मते, भारतीय खाद्यपदार्थांमध्ये असे अनेक पदार्थ आहेत, जे वजन कमी करण्यात मदत करतात. अतिरिक्त चरबी कमी करण्यासाठी आपण आपल्या आहारात अशा खाद्यपदार्थांचा समावेश केला पाहिजे. 

तुमच्या स्वतःच्या स्वयंपाकघरात तुम्हाला अनेक लो-कार्ब पर्याय सापडतील, ज्यांचे सेवन तुमच्या आरोग्यासाठी देखील फायदेशीर आहे आणि वजन कमी करण्यास देखील उपयुक्त आहे. ज्वारी, मका आणि बाजरी यांसारख्या तृणधान्यांचे उत्पादन भारतात चांगले होते. अन्न म्हणून तुम्ही ते तुमच्या रोजच्या जेवणात कुठेतरी वापरता. पण तुम्हाला माहित आहे का की या धान्यांचे सेवन केल्याने वजनही कमी होऊ शकते. मका आणि बाजरी या सर्वात जास्त वापरल्या जाणार्‍या दोन धान्यांमध्ये मिळणाऱ्या पोषक तत्वांचे सेवन करण्याचे फायदे येथे आम्ही सांगणार आहोत. दोन्ही वजन कमी करण्यासाठी प्रभावी आहेत.

* बाजरीचे सेवन केल्याने होणारे फायदे
बाजरीमध्ये प्रथिने, फायबर आणि आरोग्यासाठी फायदेशीर खनिजे भरपूर प्रमाणात असतात. अन्नधान्यांमध्ये आरोग्याच्या दृष्टीने बाजरी हा उत्तम पर्याय आहे. बाजरीत जास्त प्रमाणात फायबर असल्यामुळे पोट बराच वेळ भरल्यासारखे वाटते. त्यामुळे लोक अतिरिक्त खाणे टाळू शकतात आणि वजन नियंत्रणात ठेवतात. त्यामुळे वजन कमी करण्यासाठी तुम्ही तुमच्या आहारात बाजरीच्या भाकरीचा समावेश करू शकता. याशिवाय पचनाशी संबंधित समस्या असल्यासही बाजरीचे सेवन करणे फायदेशीर ठरते. बाजरीत मॅग्नेशियम, पोटॅशियम आढळते, जे शरीर तसेच हृदय निरोगी ठेवण्यास मदत करते.

* मक्याचे पीठ खाण्याचे फायदे
लोक सहसा हिवाळ्यात मक्याचे अधिक सेवन करतात. गव्हाच्या पिठाला पर्याय म्हणून हा एक चांगला खाद्यपदार्थ आहे. मक्याच्या पिठात लोह, फॉस्फरस, जस्त आणि अनेक जीवनसत्त्वे भरपूर प्रमाणात असतात. याच्या सेवनाने केवळ वजन कमी होत नाही तर डोळ्यांची दृष्टीही चांगली सुधारते. याशिवाय कॅन्सर आणि ऍनिमियापासून बचाव करण्यासाठीही मका उपयुक्त आहे. मक्यामध्ये असलेल्या कार्बोहायड्रेट्समुळे ऊर्जेची पातळी कायम राहून भूक कमी होते आणि वजन नियंत्रित राहते. मक्याच्या पिठाच्या सेवनाने शरीराला पुरेशा प्रमाणात फायबर देखील मिळतो, ज्यामुळे शरीरातील कोलेस्ट्रॉलची पातळी सामान्य राहते आणि बद्धकोष्ठतेची समस्या देखील दूर होते.

* मका आणि बाजरीमध्ये कोणते पीठ जास्त फायदेशीर?
तसे तर बाजरी आणि मका दोन्ही पीठे आरोग्यासाठी फायदेशीर आहेत आणि वजन कमी करण्यास उपयुक्त आहेत, परंतु जर तुम्ही बाजरी आणि मका यापैकी कोणते पीठ वजन झटपट कमी करण्यासाठी प्रभावी आहेत, दोन्ही ग्लुटेन मुक्त आहेत. परंतु तुलनेने कमी कॅलरीजमुळे बाजरी निवडणे हा एक चांगला पर्याय आहे. पण बाजरीचे अतिसेवन किडनी स्टोनच्या रुग्णांसाठी घातक ठरू शकते. बाजरीमध्ये असलेल्या फायटिक ऍसिडमुळे आतड्यात अन्न शोषण्यात समस्या निर्माण होऊ शकतात.

* मका पीठ खाण्याचे दुष्परिणाम
वजन कमी करण्यासाठी बाजरी आणि मक्यामधील कोणते पीठ फायदेशीर आहे ? जाणून घ्यादुसरीकडे, ज्या लोकांना रक्ताच्या गुठळ्या आणि थ्रोम्बोसिसची समस्या आहे, त्यांनी मका पीठ खाणे टाळावे, कारण त्यांना मका पचणे कठीण आहे. त्यांना गॅस, डायरिया आणि पचनाच्या समस्या देखील उद्भवू शकतात.

The post वजन कमी करण्यासाठी बाजरी आणि मक्यामधील कोणते पीठ फायदेशीर आहे ? जाणून घ्या appeared first on Dainik Prabhat.