तरुणींमध्ये ओठांना लिपस्टिक लावण्याऐवजी लिप टिंट्स लावण्याचा ट्रेंड आहे. लिपस्टिकऐवजी लिप बाम, लिप प्राइमर आणि लिप स्क्रबर वापरल्यास ओठांचे सौंदर्य टिकून राहते. लिप टिंट्स ओठांना मॉइस्चराइज करण्यास मदत करते.
लिप टिंट्स लावण्यापूर्वी मृत त्वचा ओठातून काढून टाका. यासाठी मऊ टॉवेल किंवा पेपर नॅपकिन ओठांवर हलकेच घासून मृत त्वचा काढता येते. यानंतर त्वचेला मॉइश्चराइझ करा. तुमचे ओठ जास्त कोरडे असतील तर ओठांना मॉइश्चराइझ करण्यासाठी लिप बाम लावा. 5-10 मिनिटांनंतर सुती कापडाने किंवा नॅपकिनने हलके स्वच्छ करा. मग ओठांचा लिप टिंट्स लावू शकता. लिप टिंट्स मेकअपच्या आधी लावू नका.
लिप टिंट्स आधी लावल्याने बाकी मेकअप किंवा ब्रश खराब होऊ शकतो. मेकअप परफेक्ट केल्यानंतर शेवटी ओठांवर लिप टिंट्स लावा. ओठांवर लिप टिंट्स लावल्यानंतर ग्लोस वापरू नये. कारण त्याचा आधीच ग्लोस इफेक्ट आहे. जर तुम्ही आधीपासून ग्लॉस लावला तर नॅचरल लूक मिळणार नाही. ओठांना नॅचरल लूक मिळण्यासाठी लिप ऑइलही वापरू शकता.