वाशिंग्टन – रोज केवळ आठ ग्लास पाणी पिऊन तुम्ही हृदयविकाराला दूर ठेवू शकता अशा प्रकारचे संशोधन अमेरिकेतील संशोधकांनी प्रसिद्ध केले आहे गेल्या पंचवीस वर्षाचा कालावधी 17992 रुग्णांवर प्रयोग करून हा निष्कर्ष समोर ठेवण्यात आला आहे शरीरातील पाणी कमी झाले तर त्याचा थेट परिणाम हृदयावर होतो
पण शरीरातील पाण्याचे प्रमाण योग्य राहिले तर हृदयविकाराचा धोका टळू शकतो असे या संशोधकांचे म्हणणे आहे त्यासाठी त्यांनी दररोज किमान आठ ग्लास पाणी पिण्याचा सल्ला दिला आहे अमेरिकेतील नॅशनल इन्स्टिट्यूट ऑफ हेल्थ या प्रमुख संस्थेने हे महत्त्वपूर्ण संशोधन केले आहे सर्वसाधारणपणे डॉक्टर सर्वांनाच दररोज किमान दोन लिटर पाणी प्यावे असा सल्ला देत असतात.
पण या संशोधनात असे लक्षात आले की अनेक लोक एवढ्या प्रमाणात पाणी पीत नाहीत त्यामुळे त्यांच्या हृदयावर त्याचा परिणाम होतो संशोधनामध्ये भाग घेतलेल्या नतालिया डिमॅटरीवा यांनी दिलेल्या माहितीप्रमाणे शरीरात पाण्याचे प्रमाण वाढले तर हृदयविकाराचा झटका येण्याची कारणे कमी होऊ शकतात.
शरीरातील सिरम सोडियम हा घटक हृदयविकाराला अनेक वेळा जबाबदार असतो त्याचे प्रमाण कमी जास्त झाले तर हृदयावर त्याचा परिणाम होतो शरीरात पाण्याचे प्रमाण वाढले तर सिरम सोडियमचे प्रमाण योग्य नियंत्रणात राहते या व्यतिरिक्त या संशोधकांनी लोकांना हृदय विकाराला दूर ठेवण्यासाठी योग्य आहार करण्याचा आणि योग्य प्रमाणात व्यायाम करण्याचा सल्ला ही दिला आहे