फिटनेस : योगासने करा ब्रेस्ट कॅन्सर टाळा

स्तनांचा कर्करोग जागृती महिना

ऑक्‍टोबर महिन्यात ब्रेस्ट कॅन्सर जागरूकता महिना साजरा केला जातो. स्तनाच्या कर्करोगाशी संबंधित जागरुकता आणि स्तनाच्या कर्करोगाविरुद्ध प्रतिकारशक्ती वाढवण्याच्या उद्देशाने हा जागरूकता महिना साजरा केला जातो. स्तनाचा कर्करोग शोधणे, जागरूकता, तपासणी आणि उपचारांद्वारे महिलांच्या आरोग्य सेवेला प्रोत्साहन देणे हा त्याचा मुख्य उद्देश आहे.

1985 मध्ये पहिल्यांदा ब्रेस्ट कॅन्सर जागरूकता महिना साजरा करण्यास सुरुवात झाली. 2009 मध्ये, ग्लोबल पिंक हिजाब डे ब्रेस्ट कॅन्सर अवेअरनेस मंथचा भाग म्हणून सुरू करण्यात आला, ज्यामध्ये मुस्लिम महिला गुलाबी हिजाब परिधान करून ब्रेस्ट कॅन्सर जागृतीचे समर्थन करताना दिसल्या.

दर 8 पैकी एक महिला या कर्करोगाची बळी ठरते. इतर प्रकारच्या कर्करोगाप्रमाणे, स्तनाचा कर्करोग देखील घातक आहे. नॅशनल कॅन्सर इन्स्टिट्यूटच्या म्हणण्यानुसार, योगाच्या माध्यमातून कर्करोगाचा धोका बर्याच प्रमाणात कमी केला जाऊ शकतो. कर्करोगाचा धोका वाढवणाऱ्या हार्मोन्सची पातळी कमी करण्यासाठी योगाभ्यास उपयुक्त ठरतात. या लेखात योगाची काही विशेष आसने आणि प्राणायाम सांगितले आहेत, जे कर्करोगाचा धोका कमी करण्यासाठी उपयुक्त ठरू शकतात.

बालासन
बालासनाला लहान मुलांची मुद्रा असेही म्हणतात. या आसनामुळे छातीचे स्नायू, नितंब, मांड्या आणि पाठीला आराम मिळतो. बालासनाचा सराव स्तनाच्या कर्करोगाच्या रुग्णांसाठी फायदेशीर ठरू शकतो. मन शांत ठेवण्यासाठी तसेच थकवा आणि तणावापासून आराम मिळवण्यासाठी बालासनाचा सराव केला जाऊ शकतो.

प्राणायाम
ब्रेस्ट कॅन्सरच्या समस्येवर प्राणायाम करण्याची सवय फायदेशीर ठरू शकते. रेडिएशन थेरपी घेत असलेल्या स्तनाच्या कर्करोगाच्या रूग्णांसाठी प्राणायाम सहायक थेरपी म्हणून उपयुक्त आहे. कर्करोगाच्या पेशींची वाढ रोखण्यासोबतच मानसिक आरोग्य उत्तम ठेवण्यासाठी प्राणायामचा सराव करता येतो.

मत्स्यासन योग
मत्स्यासन योगास हृदय उघडणारा योग म्हणतात, याचा अर्थ छाती, बरगड्या, फुफ्फुस आणि पाठीचा वरचा भाग उघडणे. हे स्तन आणि पेक्‍समध्ये लिम्फॅटिक ड्रेनेज उत्तेजित करून स्तनाच्या कर्करोगाचा धोका कमी करते. योग तज्ज्ञांच्या मते, या योगाचा नियमित सराव केल्यास रोगप्रतिकारशक्ती वाढू शकते, जी कर्करोगाचा धोका कमी करण्यास उपयुक्त आहे.

पर्वतासन
बैठ्या स्थितीत केले जाणारे पर्वतासनही ब्रेस्ट कॅन्सरपासून बचाव करते. पद्मासनात बसून दोन्ही हात छातीसमोर धरुन जोडलेल्या अवस्थेतच डोक्‍याच्या वर नेल्याने छातीच्या सर्व स्नायूंना मिळणारा ताण यामध्ये मोलाचा असतो.

The post फिटनेस : योगासने करा ब्रेस्ट कॅन्सर टाळा appeared first on Dainik Prabhat.