नृत्य या कलेची देवतेच्या रुपात शिवाचे महत्व आहे. या देवता नटराज यास समर्पित असल्याने या आसनाला नटराजासन असे म्हणतात.
कृती : दंडस्थितीत या. दोन्ही पायांमध्ये थोडे अंतर घ्या. दोन्ही हात शरीराजवळ सरळ ठेवा. दृष्टी समोर स्थिर. उजवा पाय गुडघ्यातून दुमडा आणि उजव्या हाताने उजव्या पायाचा घोटा पकडा आणि पाय नितंबापासून मागे दूर न्या. शरीराचा सर्व भार डाव्या पायावर येईल. डावा पाय सरळ ठेवा. शरीराचा तोल सांभाळता यावा यासाठी डावा हात खांद्यासमोर सरळ पसरा. तोलात्मक आसन आहे, तेव्हा डोळे उघडे ठेवा. श्वास संथ सावकाश चालू ठेवा. 15 ते 20 सेकंद स्थिती टिकवा. अशाच प्रकारे डाव्या पायाने आसन करा. आसन सोडताना डावा हात खाली शरीराजवळ आणा. उजवा पाय जमिनीवर सरळ ठेवा. दंडस्थितीत या. या आसनाचा नित्य सरावानंतर पाठीमागे नेलेल्या पायाच्या घोट्याएवजी पायाचा अंगठा पकडा.
लाभ : या आसनाच्या अभ्यासाने गुडघे, घोटे, खांदे, मांड्या, पाय या सर्व स्नायूंना व्यायाम मिळतो. पर्यायी ते बळकट होतात. शरीर व मनाची एकाग्रता वाढते. पाठीच्या कण्याची लवचिकता वाढते.
The post नटराजासन केल्यानंतर चार हात दूर राहतात आजार appeared first on Dainik Prabhat.