डेंग्यूपासून बचाव कसा करावा ? हे आहेत उपाय

[[{“value”:”

पिंपरी – सध्या पावसाळा सुरु असल्याने ठिकठिकाणी साचलेल्या पाण्यामुळे डेंग्यूचे प्रमाण वाढण्याची शक्यता आहे. डेंग्यू संक्रमणाला प्रतिबंध घालण्यासाठी पिंपरी-चिंचवड महापालिकेच्या आरोग्य विभागाकडून शहरात कंटेनर सर्वे केला जात आहे. मागील आठवड्यात १ लाख ३८ हजार ५६ घरांमधील तब्बल ६ लाख २८ हजार ४०६ कंटेनरची तपासणी केली. ५०० टायर तसेच भंगार दुकांची तपासणी केली. तसेच, बांधकाम सुरु असलेल्या ४३५ ठिकाणांची तपासणी करण्यात आली. डासोत्पत्ती करण्यास पोषक वातावरण निर्माण केल्याप्रकरणी एकूण ६७ व्यक्तींवर दंडात्मक कारवाई करण्यात आली. डेंग्यूचा धोका ओळखून वेळीच त्यावर नियंत्रण मिळवण्यासाठी कोणते उपाय करावेत, यासंदर्भात पिंपरीतील डीपीयू सुपर स्पेशालिटी हॉस्पिटलमधील इंटरनल मेडिसिनचे कन्सल्टंट फिजिशियन डॉ. प्रसाद कुवलेकर यांनी नागरिकांना सूचना केल्या आहेत.

डेंग्यूचा धोका कोणाला जास्त आहे आणि तो कसा होतो ?
डेंग्यू ताप, डासांमुळे होणारा विषाणूजन्य संसर्ग रोग आहे, डब्यातील साचलेले पाणी, टाकून दिलेले टायर आणि पाण्याच्या साठवणुकीच्या टाक्या खराब असणे यासारखे घटक डासांच्या वाढीस कारणीभूत ठरतात. कमकुवत रोगप्रतिकारक क्षमता असणारे लोक, लहान मुले आणि वृद्ध लोक डेंग्यूच्या संसर्गास बळी पडतात. जेव्हा संक्रमित डास एखाद्या व्यक्तीला चावतो, तेव्हा विषाणू त्यांच्या रक्तप्रवाहात प्रवेश करतो. त्यामुळे तीव्र ताप, डोकेदुखी, डोळ्यांमागील वेदना, सांधे आणि स्नायू दुखणे, पुरळ येणे आणि गंभीर प्रकरणांमध्ये रक्तस्त्राव यांसारखी लक्षणे दिसतात.

डेंग्यूपासून पूर्णपणे स्वतःचे संरक्षण कसे करता येईल ?
कंटेनर नियमितपणे रिकामे स्वच्छ करून ठेवणे, पाणी साठविणारे कंटेनर झाकून आणि घनकचऱ्याची योग्य विल्हेवाट लावून डासांच्या उत्पत्तीची ठिकाणे काढून टाकल्यास डासांची संख्या कमी होऊ शकते. डीईईटी असलेले मच्छर प्रतिबंधक वापरणे, लांब बाही असलेले कपडे घालणे आणि मच्छरदाणीखाली झोपणे या उपायामुळे देखील संरक्षण होऊ शकते. फॉगिंग आणि कीटकनाशक फवारण्यासारखे सामुदायिक प्रयत्न उच्च जोखीम असलेल्या भागात डासांची संख्या नियंत्रित करण्यात मदत करतात.

आतड्यांचे आरोग्य आणि प्रतिकारशक्ती कशाप्रकारे निर्माण करावी?
पावसाळ्यात जेव्हा डेंग्यू सारखे संसर्गजन्य रोग पसरत असतात, तेव्हा आतड्यांचे आरोग्य राखणे आणि प्रतिकारशक्ती वाढवणे अत्यंत महत्त्वाचे असते. हायड्रेट राहण्यासाठी आणि विषारी पदार्थ बाहेर काढण्यासाठी स्वच्छ, शुद्ध पाणी प्या. नारळाचे पाणी आणि हर्बल टी देखील हायड्रेशन आणि पोषक तत्वे देऊ शकतात. ताजे आणि स्वच्छ अन्न खा. ताजी फळे आणि भाज्या स्वच्छ पाण्याने धुऊन घ्या. रस्त्यावरील खाद्यपदार्थ टाळा. प्रोबायोटिक्स आणि प्रीबायोटिक्स दही, केफिर आणि प्रोबायोटिक्स समृध्द आंबलेल्या पदार्थांचा समावेश करा, जेणेकरुन आतड्यांचे आरोग्य चांगले राहील. लसूण, कांदे आणि केळीसारखे प्रीबायोटिक पदार्थ आतड्यांतील फायदेशीर बॅक्टेरियाचे पोषण करतात.

The post डेंग्यूपासून बचाव कसा करावा ? हे आहेत उपाय appeared first on Dainik Prabhat.

“}]]