शिकागो – डिप्रेशन म्हणजेच नैराश्याच्या आजाराने त्रस्त असणाऱ्या लोकांसाठी एक आगळी उपचार पद्धती समोर आली आहे लाफिंग गॅसचा वापर करून डिप्रेशनच्या आजारावर मात करता येणे शक्य असल्याचा दावा शिकागोतील संशोधकांनी केला आहे डिप्रेशनने त्रस्त असणाऱ्या ज्या रुग्णांवर औषधांचाही परिणाम होत नाही अशा रुग्णांवरही लाफिंग गॅसची ही थेरपी यशस्वी होत असल्याची माहिती संबंधित संशोधकांनी दिली आहे
शिकागो विद्यापीठातील संशोधकांनी हे संशोधन केले असून दोन आठवड्यांच्या कालावधीसाठी अशा रुग्णांना नायट्रस ऑक्साईड म्हणजेच लाफिंग गॅस जर हुंगायला दिला तर त्यांच्यातील डिप्रेशनची लक्षणे कमी होतात अँटी डिप्रेशन औषधांचा जा रुग्णांना उपयोग होत नाही अशा रुग्णांसाठी ही थेरपी वरदान ठरणार असल्याची माहिती देण्यात येत आहे.
संशोधकांनी दिलेल्या माहितीप्रमाणे अगदी किरकोळ साईड-इफेक्ट जरी दिसले तरी सकारात्मक परिणाम मात्र चांगले होते इमर्जन्सी परिस्थितीत असलेल्या डिप्रेशनच्या रुग्णांवरही लाफिंग गॅस उपचारांचा वापर करता येणे शक्य असल्याचा दावाही या संशोधकांनी केला आहे.
हे संशोधन करणाऱ्या टीमचे प्रमुख पीटर नागेले यांनी दिलेल्या माहितीप्रमाणे 24 रुग्णांवर हे प्रयोग करण्यात आला पहिल्या टप्प्यात लाफिंग गॅसचे प्रमाण 25 टक्के आणि दुसऱ्या टप्प्यात लाफिंग गॅसचे प्रमाण 50 टक्के ठेवण्यात आले 50 टक्के लाफिंग गॅस पेक्षाही 25 टक्के लाफिंग गॅस चे प्रमाण अधिक परिणामकारक ठरल्याची बाब समोर आली.
वैद्यकीय संशोधनाप्रमाणे डिप्रेशनच्या व्याधीचे मुकाबला करणाऱ्या 15 टक्के गुणांवर कोणत्याही औषधाचा परिणाम होऊ शकत नाही त्यामुळे त्यांना सतत हा आजार सतावत असतो पण आता लाफिंग गॅसमुळे त्यांनाही या आजारावर मात करणे शक्य होणार आहे