पुणे – वेलची हा स्वयंपाकघरातील एक महत्त्वाचा पदार्थ. पदार्थाचा स्वाद आणि सुगंध वाढवण्यासाठी चिमुटभर वेलचिचा वापर केला जातो. वेलची आयुर्वेदिक औषधी वनस्पती आहे. या वनस्पतीला वेलची किंवा वेलदोडा या नावानी सुद्धा ओळखलं जात. वेलचीमध्ये मॅग्नेशिअम, पोटॅशिअम, कॅल्शिअम हे तत्व असतात. ज्यांनी आपल्या आरोग्याला वेगवेगळे फायदे होतात.
बहुगुणी वेलची चे गुणकारी फायदे…
1. विलायची मुळतः सुगंधी आहे. त्यामुळे ज्यांच्या मुखाची दुर्गंधी येते त्यांनी विलायची चघळल्यास मुखदुर्गंधी नष्ट होते. सामान्यतः मधुमेह असलेल्या व्यक्तींच्या मुखाचा दुर्गंध येतो, त्यांनी विलायचीचा वापर करावा
2. मळमळ किंवा उलटी होत असल्यासही विलायची चघळावी किंवा विलायचीची पूड करुन चघळावी. त्यामुळे त्वरित आराम मिळतो.
3. कोरडा खोकला येत असल्यास विलायचीची पूड पिठीसाखरेसोबत मिसळून 15-15 मिनिटांच्या अंतराने चघळावी.
4. कफसह खोकला असल्यास विलायचीची पूड मधामध्ये मिसळून ते मिश्रण 15-15 मिनिटांच्या अंतराने चाटावे. खोकला नक्की कमी होतो.
5. अॅसिडिटीवरही विलायची गुणकारी आहे. विलायची चावून खाल्ल्याने तोंडात विविध प्रकारचे तेल निर्माण होते. जे लाळ ग्रंथींना उत्तेजित करते, त्यामुळे पोट व्यवस्थित काम करते.