[[{“value”:”
World’s oldest person । Tomiko Itooka – जगातील सर्वात वृद्ध महिलेचे जपानमध्ये काहीदिवसांपूर्वीच निधन झाले आहे. या महिलेने गिनीज वर्ल्ड रेकॉर्डमध्ये आपले नाव नोंदवले होते. निधनाची माहिती देताना जपानी अधिकाऱ्यांनी सांगितले की, ‘जगातील सर्वात वृद्ध महिला टोमिको इत्सुका यांचे निधन झाले आहे. मृत्यूच्या वेळी तिचे वय 116 वर्षे होते’ असं स्थानिक अधिकाऱ्यांनी सांगितले आहे.
गिनीज वर्ल्ड रेकॉर्डनुसार, जपानमधील रहिवासी इत्सुका ही जगातील सर्वात वृद्ध महिला होती. इत्सुका यांचे 29 डिसेंबर रोजी मध्य जपानमधील ह्योगो प्रांतातील आशिया येथील केअर होममध्ये निधन झाले, असे अधिकारी योशित्सुगु नागाता यांनी सांगितले.
इत्सुका यांचा जन्म 23 मे 1908 रोजी झाला. गेल्या वर्षी सप्टेंबरमध्ये 117 वर्षीय मारिया ब्रान्यास मोरेरा यांच्या निधनानंतर जगातील सर्वात वृद्ध महिला म्हणून इतुकाचे नाव गिनीज बुक ऑफ वर्ल्ड रेकॉर्डमध्ये नोंदवले गेले.
जपान दीर्घकाळ राहणाऱ्या लोकांसाठी प्रसिद्ध आहे. गेल्या वर्षी जाहीर झालेल्या सरकारी आकडेवारीनुसार, जपानमध्ये 100 वर्षांपेक्षा जास्त वयाच्या लोकांची संख्या 95,000 पेक्षा जास्त विक्रमी पातळीवर पोहोचली आहे. त्यापैकी सुमारे 90% महिला आहेत.
जपानच्या आरोग्य मंत्रालयाने सप्टेंबरमध्ये जारी केलेल्या आकडेवारीनुसार 1 सप्टेंबर 2024 पर्यंत जपानमध्ये 100 वर्षांपेक्षा जास्त वयाचे 95,119 लोक आहेत. त्यापैकी 83,958 महिला आणि 11,161 पुरुष आहेत. अशा स्थितीत प्रश्न पडतो की, जपानमधील इतके लोक 100 वर्षांपेक्षा जास्त कसे जगतात? 100 वर्षांहून अधिक जगणाऱ्यांमध्ये पुरुषांपेक्षा स्त्रिया का जास्त आहेत? असा देखील सवाल समोर येतो.
जपानी लोकांच्या दीर्घायुष्याचे रहस्य :
जपानी लोकांच्या दीर्घायुष्याचे रहस्य जाणून घेण्यासाठी आपण प्रथम तोमिको इत्सुका यांच्या जीवनशैलीबद्दल जाणून घेऊया. गेल्या वर्षी, इत्सुकाच्या कुटुंबाने एक मुलाखत दिली होती ज्यात असे म्हटले होते की, इत्सुका बराच काळ पर्वत चढत राहिल्या.
तिला गिर्यारोहणाची आवड होती आणि वयाच्या 80 व्या वर्षीही ती पर्वत चढायची. इतुकाने त्यांच्या आयुष्यात दोनदा ओन्टेक पर्वत चढला. या पर्वताची उंची 10,062 फूट आहे. वयाच्या 100 व्या वर्षी इत्सुकाने कोणत्याही आधाराशिवाय जपानमधील आशिया मंदिरावर चढाई केली.
इत्सुकाला सकाळी केळी खायला आणि जपानी पेय ‘कॅल्पिस’ प्यायला आवडायचे. त्यांच्या कुटुंबाचे म्हणणे आहे की, इत्सुकाचे शारीरिक हालचालींबद्दलचे प्रेम आणि जीवनाकडे पाहण्याचा सकारात्मक दृष्टीकोन हे त्याच्या दीर्घ आयुष्याचे रहस्य होते.
स्त्रिया पुरुषांपेक्षा जास्त का जगतात?
जागतिक स्तरावर पाहिले तर स्त्रिया पुरुषांपेक्षा 5% जास्त जगतात. त्याच वेळी, जपानमधील आकडेवारी पाहिल्यास, 100 वर्षांवरील महिलांची संख्या पुरुषांच्या संख्येपेक्षा 90 टक्के अधिक आहे. महिलांचे दीर्घायुष्य होण्यासाठी अनेक घटक कारणीभूत असतात.
पुरुषांचे सेक्स हार्मोन टेस्टोस्टेरॉन देखील यासाठी जबाबदार आहे. टेस्टोस्टेरॉन हार्मोनमुळे पुरुषांमध्ये जाड आवाज आणि छातीचे केस असे गुण विकसित होतात.
पुरुषांच्या सेक्स हार्मोनच्या विपरीत, महिलांचे सेक्स हार्मोन इस्ट्रोजेन त्यांना जास्त काळ जगण्यास मदत करते. या संप्रेरकामध्ये अँटिऑक्सिडेंट असतात जे शरीरातील पेशींवर दबाव आणणारी हानिकारक रसायने नष्ट करतात.
जनुकांमधील फरक हेही एक कारण असते :
महिला आणि पुरुषांच्या जनुकांमधील फरक हेही एक कारण सांगितले जाते. महिलांमध्ये दोन X गुणसूत्र असतात, याचा अर्थ महिलांमध्ये प्रत्येक जनुकाची एक प्रत असते. पुरुषांमध्ये, एक X गुणसूत्र आणि एक Y गुणसूत्र उपस्थित असताना, जनुकांची कॉपी केली जात नाही.
जर त्यांच्या कोणत्याही पेशींनी काम करणे थांबवले तर त्यांना आजारी पडण्याचा धोका जास्त असतो, परंतु स्त्रियांना दोन Y गुणसूत्रांमुळे बॅकअप असतो.
त्याच वेळी, काही देशांमध्ये, धूम्रपान आणि मद्यपान यांसारख्या सवयी पुरुषांमध्ये जास्त दिसतात परंतु महिलांमध्ये हे कमी दिसून येते. स्त्रिया जास्त काळ जगण्याचे हे देखील एक कारण असते. तसेच, जगातील ज्या देशांमध्ये संघर्ष आहे तेथेही पुरुषांचे सरासरी वय कमी आहे कारण काही पुरुष युद्धभूमीत मारले जातात.
दीर्घायुष्यासाठी काय करावे?
अधिक काळ जगण्यासाठी, आठवड्यातून काही वेळा सामर्थ्य प्रशिक्षणासह नियमितपणे व्यायाम करा. एरोबिक व्यायाम करा आणि आठवड्यातून किमान दोन दिवस अधूनमधून उपवास करा, म्हणजे रात्रीचे जेवण आणि नाश्ता यामध्ये 16 तासांचे अंतर ठेवा.
शक्य तितके चाला, सक्रिय व्हा. सकाळी ठराविक वेळेला उठा आणि रात्री ठराविक वेळेत झोपा. रोज शांत ठिकाणी बसून ध्यान करा. नियमितपणे आरोग्य तपासणी करत रहा. आपला दैनंदिन आहार चांगला ठेवा.
आता ब्राझीलच्या कॅनाबारो सर्वात वृद्ध व्यक्ती ठरल्या :
116-year-old Catholic nun Inah Canabarro Lucas of Brazil is now the oldest living person in the world, according to Gerontology Research Group. pic.twitter.com/HvSfw06NJb
— Sachin Jose (@Sachinettiyil) January 5, 2025
इत्सुकांच्या मृत्यूनंतर, ‘इनाह कॅनाबारो लुकास’ आता जगातील सर्वात वृद्ध व्यक्ती बनल्या आहे. ब्राझीलच्या कॅनाबारो 116 वर्षांच्या आहे. इत्सुकांच्या जन्मानंतर 16 दिवसांनी त्यांचा जन्म झाला. इनाह कॅनाबारोचा जन्म 8 जून 1908 रोजी दक्षिण ब्राझीलमध्ये झाला. ती सध्या ब्राझीलमधील पोर्टो अलेग्रे येथे निवृत्ती गृहात राहते.
The post जपानमध्ये स्त्रिया पुरुषांपेक्षा जास्त का जगतात? ‘टोमिको इत्सुका’ 116 वर्षे कशी जगली? आता ‘ही’ आहे जगातील सर्वात वृद्ध महिला…. appeared first on Dainik Prabhat.
“}]]