कारमध्ये सनरूफचा ट्रेंड कसा सुरू झाला ? कोणत्या देशांतून सुरू झाला ? जाणून घ्या

सध्याच्या काळात कारमध्ये सनरूफसारखे फिचर्स खूप पसंत केले जातात. बर्‍याचदा लोक चालत्या गाडीत सनरूफ बाहेर निघून मजा करताना दिसतात. पण तुम्हाला माहित आहे का सनरूफचा योग्य वापर काय आहे आणि त्याचा ट्रेंड कारमध्ये कसा सुरू झाला? नसेल तर त्याची माहिती आम्ही या बातमीत देत आहोत.

भारतासारख्या देशात जिथे अनेक महिने भरपूर सूर्यप्रकाश असतो. तिथे हे फिचर कारमध्ये यायला बराच वेळ लागला. परंतु ज्या देशांत सूर्यप्रकाशाचा तुटवडा होता अशा देशांत त्याची प्रथा प्रामुख्याने सुरू झाली. कमी सूर्यप्रकाशामुळे गाड्यांमध्ये अंधार होत असे. अशा परिस्थितीत गाड्यांच्या छतावर काच टाकून सनरूफचा ट्रेंड सुरू झाला. त्यामुळे थंड देशांमध्ये मिळणाऱ्या गाड्यांना प्रवासादरम्यान जास्त उजेड आणि सूर्यप्रकाश मिळाला. त्यामुळे गाडीतून प्रवास करणाऱ्यांनाही व्हिटॅमिन डी मिळाले आणि जास्त प्रकाशामुळे गाडीत अंधार कमी झाला.

एका रिपोर्टनुसार युरोप, अमेरिकेसह असे देश जेथे सूर्यप्रकाश फारच कमी आहे, त्या देशांमध्ये, हे फिचर पहिल्यांदा कारमध्ये सादर केले गेले. हे फिचर 90 च्या दशकात भारतातील काही लक्झरी कारमध्ये ऑफर केले जाऊ लागले. तेव्हापासून भारतातील लोकांमध्ये या फीचरबद्दल उत्सुकता आहे. याआधी हे फिचर फक्त महागड्या कारमध्ये दिले जात होते, परंतु आजच्या काळात हे फीचर 10 लाखांपेक्षा कमी किमतीच्या कारमध्येही देण्यात आले आहे.

रिपोर्ट्सनुसार, हॅन्ज सी प्रीचर (Heinz See Preacher) यांना अमेरिकेत सनरूफचे जनक मानले जाते. जर्मनीत जन्मलेले प्रीचर अगदी लहान वयातच ऑटो जगतात रमले. 1963 मध्ये त्यांना अमेरिकेत येण्याची संधी मिळाली आणि दोन वर्षांनी त्यांनी लॉस एंजेलिसमधील गॅरेजमध्ये अमेरिकन सनरूफ कॉर्पोरेशनची स्थापना केली. कालांतराने त्याचा विस्तार अनेक देशांमध्ये झाला.

आज भारतात अनेक कारमध्ये सनरूफ दिले जाते. यातील काही कार दहा लाख रुपयांपेक्षा कमी किमतीतही उपलब्ध आहेत. या कारमध्ये टाटा नेक्सान (Tata Nexon), मारुती ब्रेझा (Maruti Brezza), महिंद्रा एक्सयूव्ही 300 (Mahindra XUV300), टोयोटा अर्बन क्रुझर हायराईडर (Toyota Urban Cruiser Highrider), ह्युंदाई व्हेन्यू (Hyundai Venue), किया सेलटॉस (Kia Seltos) सारख्या कारचा समावेश आहे ज्यांची किंमत 10 लाख रुपयांपेक्षा कमी आहे.

The post कारमध्ये सनरूफचा ट्रेंड कसा सुरू झाला ? कोणत्या देशांतून सुरू झाला ? जाणून घ्या appeared first on Dainik Prabhat.