उन्हातून आल्यानंतर लगेच फ्रिजमधील थंड पाणी पिता? मग ‘हे’ नक्की वाचा

उन्हाळ्यात उच्च तापमानात थंड पाणी प्यायल्याने लोकांना उष्णतेपासून आराम मिळतो. उन्हाळ्यात हायड्रेटेड राहण्यासाठी लोक लिक्विड ड्रिंक्सचे सेवन करतात, ज्यामध्ये सामान्य पाण्याबरोबरच लस्सी, ज्यूस आणि नारळाच्या पाण्यासह विविध प्रकारचे पेये पितात. तज्ज्ञांच्या मते, हायड्रेटेड राहण्यासाठी किमान आठ ते दहा ग्लास पाणी पिणे अत्यंत आवश्यक आहे. पण पाणी पिताना योग्य तापमान असणे देखील आवश्यक आहे. पाण्याच्या तापमानाचा आरोग्यावर परिणाम होतो. उन्हाळ्यात थंड पाणी प्यावेसे वाटते म्हणून लोक फ्रीजचे पाणी पितात. तहान शमवण्यासाठी आणि थकवा दूर करण्यासाठी लोक कधीही थंड पाणी पितात, यामुळे उष्णतेपासून काही काळ आराम मिळत असला तरी त्यामुळे खूप नुकसानही होते. आयुर्वेदात थंड पाणी आरोग्यासाठी हानिकारक असल्याचे सांगितले आहे.

आयुर्वेदनुसार विशेषतः फ्रीजचे थंडगार पाणी तर अजिबात पिऊ नये. उन्हातून आल्यानंतर, व्यायाम केल्यानंतर किंवा खाल्ल्यानंतर थंड पाणी पिल्याने शरीरावर वाईट परिणाम होतो. तुम्हीही उन्हाळ्यात चुकीच्या वेळी आणि चुकीच्या पद्धतीने थंड पाण्याचे सेवन करत असाल तर जाणून घ्या तुमच्या आरोग्याला काय नुकसान होऊ शकते.

पचनावर परिणाम
शरीर कोणतेही पदार्थ आपल्या तापमानात आणते, जे ते पुढील पचनासाठी पाठवते, परंतु अत्यंत कमी तापमानाच्या गोष्टींचे सेवन करून, शरीर आपल्या तापमानानुसार ते करू लागते, ज्यामुळे पचन प्रक्रिया मंदावते आणि अपचन होते. थंड पाण्याचा पचनसंस्थेवर परिणाम होतो. संशोधनानुसार, थंड पाणी पिल्याने रक्तवाहिन्या आकुंचन पावते, ज्यामुळे पाचन समस्या उद्भवतात.

घसा खवखवणे
अनेकदा घसा खवखवल्यावर किंवा आवाजात बदल झाल्यास थंड पाणी न प्यायचा सल्ला दिला जातो. कारण थंड पाणी प्यायल्याने घसा खवखवतो. फ्रीजमधून काढलेले थंड पाणी प्यायल्यानंतर असा त्रास होणे सामान्य गोष्ट आहे. दुसरीकडे, जेवणानंतर थंड पाणी प्यायल्यास श्लेष्मा तयार होऊ लागतो आणि श्वासोच्छवासाचा मार्ग बंद होतो. त्यामुळे घसा खवखवणे, श्लेष्मा, सर्दी आणि घसा सूज येणे यासारख्या समस्या उद्भवू शकतात.

हृदय गतीवर परिणाम
थंड पाण्याच्या सेवनाने तुमच्या शरीरातील हृदयाची गतीही कमी होऊ शकते. एका अभ्यासानुसार, फ्रिजमधलं थंड पाणी जास्त प्यायल्याने दहावी क्रॅनियल नर्व्ह (व्हॅगस नर्व्ह) उत्तेजित होते. शरीरातील अनैच्छिक कार्ये नियंत्रित करण्याचे काम नसा करतात. कमी तापमानाच्या पाण्याचा परिणाम थेट वॅगस मज्जातंतूवर होतो, ज्यामुळे हृदय गती कमी होते.

डोकेदुखीची समस्या
उन्हातून आल्यानंतर लगेचच खूप थंड पाणी किंवा बर्फाचे पाणी प्यायल्यास ब्रेन फ्रीझ होऊ शकतो. थंड पाण्याचे सेवन केल्याने तुमच्या मणक्यातील अनेक नसा थंड होऊ शकतात, ज्यामुळे मेंदूवर परिणाम होतो आणि डोकेदुखी होऊ शकते. ही परिस्थिती सायनसच्या समस्येने ग्रस्त असलेल्या लोकांसाठी समस्या वाढवू शकते.

वजन कमी करण्यात बाधा
ज्यांना वजन कमी करायचे आहे त्यांनी थंड पाण्याचे सेवन करू नये. थंड पाण्यामुळे शरीरातील चरबी जाळणे कठीण होते. फ्रीजच्या पाण्याने शरीरातील चरबी घट्ट होते, त्यामुळे चरबी कमी होण्यात समस्या निर्माण होते आणि वजन कमी होत नाही.

The post उन्हातून आल्यानंतर लगेच फ्रिजमधील थंड पाणी पिता? मग ‘हे’ नक्की वाचा appeared first on Dainik Prabhat.