न्यूयॉर्क : मेटा सीईओ मार्क झुकरबर्गने अलीकडेच व्हॉट्सऍप इमोजी रिऍक्शन्स जाहीर केल्या आणि आता आणखी एक मोठे फिचर व्हॉट्सऍपवर येत आहे. व्हॉट्सऍपमध्ये, तुम्हाला खूप लोक जोडण्यासाठी दोन गट तयार करण्याची आवश्यकता नाही, कारण लवकरच तुम्ही एका व्हॉट्सऍप ग्रुपमध्ये एकदम ५१२ लोकांना जोडू शकाल. सध्या, व्हॉट्सऍपच्या या नवीन फीचरची बीटा आवृत्तीवर चाचणी केली जात आहे. त्याचे अपडेट सर्वांसाठी केव्हा जारी केले जाईल याबद्दल अद्याप कोणतीही माहिती उपलब्ध नाही.
व्हॉट्सऍपच्या फीचर्सचा मागोवा घेणाऱ्या WABetainfo ने ५१२ लोकांच्या ग्रुपमध्ये ऍड केल्या जाणाऱ्या फीचरची माहिती दिली आहे. नवीन फीचरचा स्क्रीनशॉट देखील समोर आला आहे, ज्यामध्ये ५१२ लोकांना ग्रुपमध्ये ऍड करण्याचा पर्याय मिळत असल्याचे दिसून येते. नवीन फीचरची चाचणी iOS च्या बीटा आवृत्तीवर केली जात आहे. नवीन फीचर शाळा, महाविद्यालये, कोणतीही संस्था आणि लहान व्यवसायांसाठी खूप उपयुक्त ठरेल. सध्या व्हॉट्सऍप ग्रुपमध्ये केवळ २५६ लोकांनाच जोडता येते.
२ GB पर्यंत फाइल्स पाठवू शकतात
इमोजी रिऍक्शन आणि ग्रुपमध्ये ५१२ लोकांना ऍड करण्याव्यतिरिक्त आणखी एक नवीन फीचर व्हॉट्सऍपमध्ये येत आहे. नवीन अपडेटनंतर तुम्ही व्हॉट्सऍपवरच २ जीबीपर्यंतच्या फाइल्स पाठवू शकाल. फाईल पाठवताना, ती फाईल पाठवायला किती वेळ लागेल हे देखील तुम्हाला पूर्वावलोकनात दिसेल. २ GB फायली असलेले फिचर सध्या बीटा चाचणीत आहे. व्हॉट्सऍपने म्हटले आहे की २ GB पर्यंतच्या फाइल्स पाठवण्यावरही एंड-टू-एंड पूर्णपणे एन्क्रिप्टेड असेल.
error: Content is protected !!